Türkiýe türkmen aktiwistini watanyna deportasiýa etmekden ýüz öwürdi
Türk häkimiýetleri Türkmenistanyň ýene bir raýatyny öz watanyna deportasiýa etmekden ýüz öwürdi. 16-njy iýunda adam hukuklary boýunça "Türkmen Helsinki Fondy" (THF) Baýram Allalyýewi Türkiýeden deportasiýa etmek kararynyň sudy tarapyndan ýatyrylandygyny habar berdi.
"Türkmen Helsinki Fodnunyň" habaryna görä, 15-nji iýunda Stambulyň sudy 34 ýaşly türkmen raýaty Baýram Allalyýewi deportasiýa etmek kararyny ýatyrypdyr.
Allalyýewiň deportasiýa meselesine garamak işi 2021-nji ýylyň noýabr aýyndan bäri dowam edipdi.
