Shoshqaloq Bir bola bor alomat, Lekin dangasa emas. Ish buyur | Bolalar She'rlari | Uyda Qoling!
Shoshqaloq
Bir bola bor alomat,
Lekin dangasa emas.
Ish buyursa onasi,
Sira-sira yo'q demas.
Bir aybi bor: betoqat,
Juda-juda shishqaloq.
Diqqat bilan gapingga,
Rosti, solmaydi quloq.
Ona der:-Shoshma, bolam,
Oldin gapga quloq sol.
- Bo'ldi, tushundim, - der-u,
Yugurib ketar darhol.
Zumda qaytar halloslab,
Hayron qilib onani.
- Oyi, nima devdingiz?
Olib kelay nimani?
Telegram tarmog‘idagi Eng sara @bolalar_sherlari kanaliga ulaning