🌿ژینگەپارێزانی ژیانی سەوزی سەقز🌿

2022-07-25 19:00:44
تینوێتیتان
بە هەست دەشکێنین
دار و ڕەوەکی نیشتمان
پاڵاوگەکانی ژیان،
دەتانپارێزین بە گشتمان
بە هاوکاری کۆمەڵێک خەڵکی دڵسۆز و ژینگەپارێز ئێوارەی ڕۆژی یەکشەممە هۆی فێنکەشەوێکی گەلاوێژ بۆ نمامەکانی سەرچنار ڕەخسا.
ئێوارەیەکی تایبەت کە زەردەی خۆری دەم کەل تێکەڵ بە هەستی بزوێنەری هاوڕێیانی نوێی ژینگەپارێز ببوو. خۆری خۆرهەڵات لەگەڵ ئاوابوونی خۆیدا، لە سەدان گۆشەوە وێنەی ئەم دڵسۆزی و ئەمەگناسییانەی گەیاندە هەموو جیهان.

#کوردستان#سقز#ژینگە#ژینگەدۆستی#ئاژەڵ#ئاژەڵدۆستی#زاگرۆسانە#دارستان#قەیران#باڵندە#کەو#نیشتمان#کورد#سروشت#هەڵۆ#ئاوەدانی#سەقز#پاراستنی_ژینگە_ئەرک_و_ئەخلاقە_ژینگە_ژیانە
#kordestan
#saqqez

پاراستنی ژینگە ئەرکو ئەخلاقە
ژینگەپارێزانی ژیانی سەوزی سەقز
@jingaparezansaghez Aç / Yorum Yap

2022-07-22 09:42:11 ((هەڵمەتی ئاودانی نمامەکانی سەرچنار))
هاووڵاتیانی ئازیز بۆ پاراستنی نمامەکانی سەرچنار هەڵمەتێکی ئاودان بەڕێوە دەچێت. بەشداریتان دەرخەری هەستی ژینگەپارێزیتانە.
ڕۆژ: یەکشەممە 2ی گەلاوێژی 1401
کات: 7ی ئێوارە
شوێن: کۆتایی شەقامی چەمی وەڵی‌ خان
تکایە هەرچەنێک دەتوانن ئاو لەگەڵ خۆتان بهێنن.
دەبەکان دوای خاڵی بوونەوە، بە ماشینی هاوڕێیان دەبەین پڕیان دەکەینەوە.
ئەو هاوڕێیانەی ماشینیان پێیە، پڕی کەن لە دەبەی ئاو

ئەنجومەنی ژینگەپارێزانی ژیانی سەوزی سەقز
@JingaParezanSaghez Aç / Yorum Yap

2022-07-07 17:15:12 ((هەڵمەتی ئاودانی نمامەکانی سەرچنار))
هاووڵاتیانی ئازیز بۆ پاراستنی نمامەکانی سەرچنار هەڵمەتێکی ئاودان و خاوێن کردنەوەی بن دارەکان بەڕێوە دەچێت. بەشداریتان دەرخەری هەستی ژینگەپارێزیتانە.
ڕۆژ: هەینی 1401/04/17
کات: 6ی بەیانی
شوێن: کۆتایی شەقامی چەمی وڵی‌ خان
تکایە هەرچەنێک دەتوانن ئاو لەگەڵ خۆتان بهێنن.
دەبەکان دوای خاڵی بوونەوە، بە ماشینی هاوڕێیان دەبەین پڕیان دەکەینەوە.
ئەو هاوڕێیانەی ماشینیان پێیە، پڕی کەن لە دەبەی ئاو

ئەنجومەنی ژینگەپارێزانی ژیانی سەوزی سەقز
@JingaParezanSaghez Aç / Yorum Yap

2022-07-07 14:14:48 لێژنەی ئاژەڵپارێزی ئەنجومەنی ژینگەپارێزانی ژیانی سوزی سەقز دوای یەک مانگ چاوەدێری و پێ ڕاگەیشتن چوار بچکە پشیلەی بۆ ژیانی ئاسایی لە ژینگەدا ئازاد کرد.

ئەنجومەنی ژینگەپارێزانی ژیانی سەوزی سەقز
@JingaParezanSaghez Aç / Yorum Yap

2022-07-03 00:33:04 هاووڵاتییەک ڕۆژی هەینی 10ی پووشپەڕی 2722 لە ئاوایی کەچەڵمینان ئازادی کردە دیاری هاوینانە بۆ چەند کەوی بەندکراو، بە هەستێکی تەژی لە خۆشەویستی نیشتمان.
ئەم چەشنە کردەوانە، پڕن لە وانەی ژینگەپارێزی
@JingaParezanSaghez Aç / Yorum Yap

2022-06-27 13:34:20 در مصرف آب صرفەجویی کنیم
#آب
#زندگی
#صرفەجویی
@JingaParezanSaghez Aç / Yorum Yap

2022-06-25 21:17:55 ‌ ڕێگە نادەم ئاگری هیچ پیلانێک،
لەم وڵاتە شەلەمکەرەیش بسووتێنێت.
بە قووڕگی گڕی ئەو ئاگرەدا،
دەچم قژی نیشتمان هەڵپڕووزێنێت.

لەم دونیا کەڵکاوەژوو خوازەدا لە ناو ئەو هەموو مڕۆڤە بێ هەستەدا، مڕۆڤی خاوەن هزر و بیر لە ژیانی خۆیدا بۆ دەسکەوت گەلێکی واتا و مانادار ماندوو دەبێت و حەسانەوە و دڵخۆشی لە گەیشتن بەو دەسکەوتانەدا هێما دەکات. هەناسەکانی ژیانی تێکەڵ بە کەندولەندەکانی ڕێبازی گەیشتن بە ئامانجەکانی دەکات. بۆ گەیشتن بە ئاواتەکانی سڵ ناکات و تەنانەت گیانی خۆیشی پێشکەش دەکات.
نەمران: مۆختار خەندانی، بیلال ئەمینی و  یاسین کەریمی نموونەی ئەوجۆرە کەسایەتییە بوون و بۆ پاراستنی ژینگەی وڵاتەکەیان گیانی پڕ لە هەست و سۆزی خۆیان پێشکەش دارستان و لێرەوار و شاخ و شاری نیشتمان کرد.
ئێسە بە ناو بردنیان هەموو چرۆی دارەکان و وریشەی ئاوی کانیاوەکان و ئاوازی ئاژەڵەکان لە شەوانی ژێر تریفەی مانگەشەو هاواری کەسم ڕۆیان بۆ دە چریوێنن.
هاوڕێیانی بوێر و ئازا، بەڵێن دەدەین بۆ پاراستنی بست بە بستی ژینگە و وڵاتمان، تا ماوین ڕێبواری ڕێگاتان بین.
یادتان هەرمانی دڵ و ڕێگەمانە.
. ژینگە دۆستان، بنەماڵەی خاوەن شانازی شەهیدان، ئەنجومەنی ژیوای،
دیسانەوە لە ساڵیادی هەتاهەتایی بوونی هاوڕێیانماندا بەڵێن نوێ دەکەینەوە، تاماوین ڕێبواری ڕێگەیان بین و بەشداری پەژارەی لە دەست دانیان بین.
هەر بەو بۆنەوە ئەنجومەنی ژینگەپارێزانی ژیانی سەوزی سەقز ڕۆژی هەینی 2722/04/03 لە چالاکییەکی شاخەوانیدا بە ئازاد کردنی دوو پەلەوەری تیمارکراو (هەڵۆیەک کە ماوەی چوار مانگ و واشەیەک کە ماوەی یەک مانگ لە ژێر چاوەدێریدا بوون) ئەمەگناسی خۆمان بۆ ڕێبازی ئەو سێ شەهیدە خۆشەویستە لە دارستانەکانی پای گردەکۆ، ئاراستەی ژینگەی نیشتمان کرد.

ئەنجومەنی ژینگەپارێزانی ژیانی سەوزی سەقز Aç / Yorum Yap

2022-06-20 13:24:19 هاووڵاتیانی خۆشەویست تکایە ئاگادار بن!

بەداخەوە هەموو ساڵێ لە مانگی جۆزەردان بەدواوە لەگەڵ زەردبوونی گەنم و جۆ و گژوگیا، زۆرجار بەهۆی هەندێ کەمتەرخەمیی وەک:

ئاگرکردنەوە لە شوێنی نەشیاو.

ئاگرکردنەوە کاتی هەڵکردن و هاتنی با.

بەتەواوی نەکوژاندنەوەی ئاگر پاش ئەوەی کارمان پێی نەما.

فڕێدانی سووتکە سیگار و قوونەجگەرەی نەکوژاوە لە دەشتودەر.

فڕێدانی هەندێ پاشماوەی وەک شووشە و بتڵی ئاو ( تەنانەت بتڵی پلاستیکیش کە زەڕەبین ئاسا و شقارتە ئاسا لە بەر تیشکی خۆردا ئاگرکەرەوەن) و هەروەها زۆر هۆکاری تریش، گڕ لەم سروشتە جوانەمان بەردەدەین و جیا لە زەرەر و زیانی گیانی و ماڵی، هەزاران ئاژەڵ و باڵندە و بوونەوەری بەستەزمانیش بە هێلانە و بێچووەوە بە زیندوویی لە ئاگردا دەسووتێنین و دەیانکەینە کۆڵە و خۆڵەمێش.

تکایە با زۆر وریا بین و هەموومان لە ئاست خۆمانەوە ئەم جۆرە پەیامانە کە ڕێنوێنی و ئاگادارین ڕچاو بکەین و بە کەسانی دیکەشی بگەیەنین.

تکایە ئاگاداری ژینگە و سروشت بن

سپاس و ڕێز بۆ هەموو هاوشاریانی خۆشەویست کە ژینگە و سرووشتی خۆیان ئەپارێزن.

#ژینگە ژیانە
#ژینگەپارێزێ ئەرک و ئەخلاقە

@JingaParezanSaghez Aç / Yorum Yap

2022-06-13 21:11:49 ڕۆژی هەینی ڕێکەوتی 20ی جۆزەردانی ساڵی 2722 لە ڕێوڕەسمێکی پڕ شکۆدا لە کوێستانەکانی سەرشیو بە بەشداری ڕێکخراوە ژینگەیییەکان ( چیای مەریوان و پاژینی بانە و نیشتمانی ساحێب) و شاخەوانانی گرووپی هەڵۆ و هەتاو و کومیتەی ئافڕۆد و ئەنجومەنی فەرهەنگی هیوای زانست و کەسانی بە هەڵوێست و خەمخۆری ژینگە، بە میوانداری ئەنجومەنی ژینگەپارێزانی ژیانی سەوزی سەقز
شەش بێچووە ڕێوی دوای دوو مانگ بەخێوکردن و تیمارکردنیان لە لایەن لقی ئاژەڵپارێزی ئەنجومەن، گەڕانەوە باوشی نیشتمان.
ئامادەبووان جەختیان لە سەر تەبایی و خۆشەویستی و پاراستنی ژینگە و نیشتمان وەک ئەرکێکی ئەخلاقی و نەتەوەیی کرد و دواتر بە سروودی " خوایە وەتەن ئاواکەی ..." ڕێوڕەسمەکە کۆتایی پێهات.

ئەنجومەنی ژینگەپارێزانی ژیانی سەوزی سەقز

https://t.me/JingaParezanSaghez Aç / Yorum Yap

2022-06-07 06:12:13 ‌ ((ئاشتی و تەبایی))
لە دوای ئەم هەموو غەدرەی مرۆڤ بەرانبەر ژینگە و بە تایبەت ئاژەڵان دەیکات و هەموو گیان لە بەرێک بە مڵکی خۆی دەزانێت. لەم سەردەمەی مرۆڤ بێ بەزەییانە و لە ڕووی ناشارەزاییەوە بە لە ناو بردنی ئاژەڵ و دار و لێرەوار بناغەکانی ژیانی خۆی و هاوبەشە ژینگەییەکانی بنکەن دەکات. برووسکەی هەمیشەیی چالاکانی ژینگەپارێز بۆ هاوبەش و خاوەنە ڕاستەقینەکانی ژینگە ئاشتی و تەبایی بووە و هەیە.
چالاکانی پارێزەری ژیان وانەی ئاشتی، مافپارێزی و ئەمەگناسی خۆیان دەدەنەوە،  دەیکەنە ئاڵایەکی شەکاوە و دەیدەن بە دەست ئەو ئاژەڵانەوە دوای تیمارکردن و ئامادەکردنی ژیانی ئاسایی ڕوانەی زێد و ماڵی خۆیان دەکرێن.
ئەمجارەش وەک جاران بۆ سووربوون لە سەر بڕواکانمان شەش بێچوە ڕێویی پارێزراو دەگەڕێنینەوە بۆ باوشی پڕ شکۆی دارستانەکانی نیشتمان.
لەگەڵ ئەم چالاکییە و لە سەرووی هەموو ئەمەگناسییەکانەوە دەستی بە توانا و هەستی پڕ لە نیشتمانپەروەری هاوڕێی زێدە خۆشەویستمان کاکە محەممەدی عەلیوەیسی ( ڕۆژهەڵات) ماچ دەکەین. سەری کڕنۆش بۆ هەموو خەباتکارانی ڕێگەی ئاشتی و تەبایی لە سەر خاکی پیرۆزی نیشتمان دادەنەوێنین.
هیوادارین هەموومان بێینەوە بە خۆماندا و ژینگەپارێزی بکەینە پرسێکی سەرەکی لە ژیانماندا.
ئەنجومەنی ژینگەپارێزانی ژیانی سەوزی سەقز

  https://t.me/JingaParezanSaghez Aç / Yorum Yap