"Piramida" intellektual klubı

2022-02-25 20:29:51 -raund. Savol muallifi - Jahongir Qaynarov, Sardoba tumani.

Boshlovchi: Marhamat ayrim jonzotlar yungi olib chiqilsin.
Koʻplab Yevropa oilalari hovlilariga it, mushuk va boshqa jonzot yungidan ilib qoʻyishadi. Irim qilibmi yo boshqa sababdanmi.

Diqqat savol: Siz ham oʻylab koʻringchi, nima maqsadda ilib qoʻyiladi?

@zakovat Aç / Yorum Yap

2022-02-25 20:29:36 Evropada qanday shólkem (1) hám nege (2) adamlarģa bunday is qılıwdı agitaciya etedi?

Juwap: quslardıń shıdamlı hám ańsat in qurıwın támiyinlew ushın Milliy jabayı tábiyat federatsiyası (NWF) tárepinen bul baslama alıp barıladı. Bunnan maqset – quslar in qurıwda kerekli hám sapalı materialdı tabıwında járdem etiw esaplanadı. Quslar haywan júnlerinen islengen inge qolay jaylasadı hám, baslısı, ol shıdamlı, jáne suw jutpaydı, delinedi NWF bayanatında. Aç / Yorum Yap

2022-02-25 20:29:36 Evropada qanday shólkem (1) hám nege (2) adamlarģa bunday is qılıwdı agitaciya etedi? Aç / Yorum Yap

2022-02-24 20:30:39 Húrmetli klubımız aģzaları!

Kanal iskerliginde azmaz úzilisler bolıp atırģanı sebepli, sizge bir usınıs bermekshimen. Kanaldıń maģlıwmatlar bazası betinegi muzikalar katalogında 2021-jıldıń iyul–avgust aylarında bolıp ótken jazģı máwsim oyınlarınıń audiosın tıńlawıńız múmkin.

Hár bir oyın, ortasha, 50 minut dawam etken, kólemi 15-20 MB. Ketken waqtıńızģa ashınbaysız! Bir-birinen ájayıp hám qızıqlı ótken oyınlardı jáne bir esleymiz, onı kórmegenler esitip baha beremiz! Usınday keshki waqıtta esitiw basqasha ház beredi Aç / Yorum Yap

2022-02-23 19:07:57 Ruslastırıw siyasatı

Rossiya imperiyası XIX ásir dawamında jańadan imperiya quramına qosıp alınģan aymaqlarda alıp barģan ilaj. Kavkaz, Sibir siyaqlılar qatarında Túrkstan úlkesinde de bul siyasat ámelge asırıladı.

Imperiya húkimeti XIX ásir 70-jıllardıń baslarında iyelengen Buxara ámirligi, Qoqan hám Xiywa xanlıqları jerlerine ruslardı kóshiriwge ayrıqsha itibar bergen. Maqset – iyelengen jerlerde ózine tán tayanısh kúshlerin payda etiw bolģan.

Demek, dáslepki jıllarda ruslar menen birge ukrainler, belaruslar kóshirip keltiriledi. Olardı kóshiwge ne májbúrlegen? Ápiwayı «ólim» yáki «kóshiw» variantlarınıń birewin saylaw shárti qoyılģan, deseńiz qátelesesiz. Basqasha usıl qollanıladı.

Imperiyanıń basqa aymaqlarınan Orta Aziyaģa kóship kelgenler dáslepki 5 jılda salıqlardan azat etilgen. Keyingi 5 jılda olardıń tek 50% in tólegen. Jergilikli jer iyeleri hám húkimdar dinastiya aģzalarınıń jer múlkleri konfiskaciya etilip, áskeriy atlanıslarda qatnasqan oficerlerge bólip berilgen. Nátiyjede, olardıń shańaraqları da Túrkstanģa «aģıp kelgen».

1897-jılı Túrkstan General-gubernatorlıģında kóship kelgenlerdiń sanı sál kem 200 mıńdı, 1911-jılda bolsa olardıń sanı 400 mıńdı quraģan.

Ruslastırıw siyasatı menen, jergilikli xalıqtıń azatlıq háreketleri shekleniwine yáki olardı bastırıwda artıqsha kúsh jumsalmawına erisilgen.

Ózine jarasa tariyxta ornı bar iri mámleketlerdi iyelew – qúdiret. Olardı uzaq waqıt dawamında basqarıp turıw – bul talant! Demek, húkimdarlıqtı saqlap qalıw ushın bul nátiyjeli usıl. Bunıń ushın kóshiwge májbúrlew shárt emes, túrli jeńillikler beriw jetkilikli boladı. Kerekli adamlar kerekli jerlerde bar bolsa, ol jerdiń iyesi de sol xalıq boladı.

PIRAMIDA Aç / Yorum Yap

2022-02-17 22:26:07 Intellektual marafon sorawları

10 komanda, hár birinde 12 sorawdan. Ájayıp sorawlar ;)

Sorawlardı jiynawda miynetin ayamaģan Tazabay Yuldashevqa ayrıqsha raxmet aytamız! Aç / Yorum Yap

2022-02-14 08:37:00 Ledi Aster Uinston Cherchilge aytadı: «Eger meniń kúyewim bolģanıńda, men kofeńe záhár salıp qoyģan bolar edim». Cherchil bolsa oģan tómendegishe juwap berdi: «Eger meniń háyelim bolģanıńda, men onı isher edim».

Búgin, 14-fevral – Xalıqaralıq kitap sawģa etiw kúni. Dialogtıń sánege baylanısı bolıwı múmkin :)

PIRAMIDA Aç / Yorum Yap

2022-02-13 20:17:52 Búgingi Marafon zor ótti. Eń baslısı – komandalar tayarlap kelgen sorawlar ájayıp boldı. Bizge unadı.

"KarSU" komandası qosımsha sorawlar esesine jeńimpaz boldı hám 250.000 swm jeńip aldı.

Endigiden bılay, turnirlerde nátiyje kórsetiw ushın kóbirek oqıw kerek. Nege bul komandanıń nátiyjesi jaqsı? Olardıń hár bir aģzası intellektual oyınlarda ónip-ósken. Búgin miynetiniń ráhátin kórip júr.

Hár túrli oyınlarda hár túrli sostav penen qatnasıp júrgen komandalar kútken nátiyjesine jete almaydı. Sen óziń, báribir, basqa jerde ózińniń komandańdaģıday oynay almaysań. Tap solay eken, qanshelli kúshli bolsın, basqalar da seniń komandańda aktiv oyın kórsete almawı múmkin. Bunı ózim ámeliyatta kóp kórdim + búgingi jeńiske erisken komandalardıń sostavı neshe jıllıq ekenine qarań.

Demek, turaqlı sostav dúziw kerek. 6 adam. Bos waqıtta komandaģa keletuģınlar emes, intellektual oyınlar ushın waqıt tabatuģın, hár kúni hár biri aktiv trenirovka isleytuģın 6 adamnıń awzı biriksin: hesh kim toqtata almaydı. Gápime mısal joqarıda.

Qaraqalpaq eruditleri birigip atırģanınan quwanıshlıman! Aç / Yorum Yap

2022-02-13 20:03:40 Búgingi Marafondı "Qarataw" komandası baslap berdi. Ortasha ochko 3,75 ti quradı. Barlıq komandalar tapqan hesh bir soraw bolmadı. 4,5,6 hám 7-sorawlarģa hesh bir komanda durıs juwap bermegen. Náwbetshilikte eń kóp ochko – 6, eń kemi – 3 boldı.

Sorawlardı kóriw Aç / Yorum Yap

2022-02-12 17:04:18 Shek taslandi. Random nátiyjelerine kóre komandalardiń soraw oqiw izbe-izligi.

1. Qarataw
2. Gallaktikos
3. KarSU
4. Berkut
5. Cicada 3301
6. NoGoogle
7. Alfa
8. Maģriypat
9. Aģabiy
10. Ideal


Marafon reglamenti:
12 sorawi elektron formada tayar hám tólemdi tólegen komandalar marafonda qatnasadi. Marafonda oynalģan bárshe sorawlardi jiynap kanalimizda járiyalaymiz.

Sorawlar sapaliliğina, durisliģina komanda juwapker. Heshkim olardiñ sorawin tekserip shiqpaydi.

Komandalar soraw oqiwdi, bahalawdi, appellyaciya esaplawdi toliq ózleri ámelge asiradi. Ochko esaplaw ushin tablica ákeliw shàrt emes. Oyin bolatuģin jerde elektron hám qaģaz variantta tablica bar.

Sorawlar hámmesi 1 ochkoliq boliwi shárt. Yarim ochkoliq, duplet, blic degen sorawlar oynatilmaydi.

Oyin dawaminda eń kóp ochko toplaģan 3 komanda tómendegishe pul siyliģi menen siyliqlanadi.
1-orin: 250000 swm
2-orin: 150000 swm
3-orin: 100000 swm

Oyin saat 10:00de Jaslar orayi imaratinda ótkeriledi.

Oyinda tamashagóyler bolmaydi. Oyin dawaminda tùslik qiliw hám basqa da tánepisler bolmaytuģinin esapqa aliń.
Hámmege áwmet!

Ps: Basqa da tùsinbegen sorawlariñiz bolsa kommentariyaģa jaziń. Aç / Yorum Yap