#асарга_ишланган_лавҳалар. Афруз йигитларидан кейин тўрга ро | Қисқа сатрларда. Azizaxon Ismoilova kanali️️
#асарга_ишланган_лавҳалар.
Афруз йигитларидан кейин тўрга ростдан ҳам Тоҳир Маҳкамов чиқиб келди.
-Нодирхооон! Ука, бахтли бўлииинг!
Икки кафтини бирлаштириб, баланд кўтарганча қутлаётган бу Мақсудхон ака эди. Даврага тўйбоп шўх мусиқа оҳанги таралди. Ўрнимдан туриб, пастга- Мақсудхон аканинг ёнига шошдим. У ҳам жилмайганча мен томонга юриб келаётган экан.
-Ака, раҳмат! Кутмагандим...
-Нега кутмайсиз? Айтгандим-ку! Қўқонли "баллар" ни ҳали билмайсиз десам, хафа бўласиз тағин...
Ҳофизнинг ёнига яқинлашдим. Кулиб, у ҳам қўлини кўксига қўйди.
-Шу бала роса фанатиз-да, ака! Айтдим-у сизни кўрсалар бир бошқача бўлиб кетадилар деб...
Ҳофизга қайси қўшиқни буюртма қилишни бир зум ўйлаб қолдим. Унинг қулоғига пичирлаб, ортга қайтаётганимда-ўша илк бор эшитганимда, маъносига ажабланган қўшиғимнинг сокин мусиқаси янграй бошлади.
"Ойдин кўлда оқ ўрдак, ўполмадим бўйнидан...
Қандай тортиб оламан, энди биров қўлидан...
"Ишқ ва ишқсизлик"
@Qisqa_satrlarda_Ummu_Zaynab
