Telegram Info Karakalpakstan

2021-02-22 20:53:01 Broadcast toparlarda qanday nasazlıqlar bar?

Keyingi jańalanıw óz ishine bir-neshe jańa funkciyalardı, atap ótkende broadcast (official awdarmada translyaciyalar toparı) toparlardı óz ishine aladı.

Bunday toparģa mısal: @broadcastchat (500 aģzaģa toltırıwda járdemleseyik, statistikanı kóriw ushın).

Járiyalanıwı ele bolmaģanı menen, bul funkciya paydalanıwshılar arasında kóplegen sorawlardı keltirip shıģardı.

Funkciyanı úyrenip buģan maqala jazdıq: tginfo.me/broadcast-group Aç / Yorum Yap

2021-02-21 21:26:28 Telegram jańalanıwı 7.5. Bizlerdi ne kútpekte?

Kúni keshe, Telegramnıń Android ushın Beta-versiyası 7.5 versiyasına shekem jańalandı hám kóplegen jańa funkciyalarģa iye boldı.

Jańalıqlar:
— Vidjetler.
— Broadcast toparlar.
— Xabarlardıń avtomatik óshiriliwi.
— Waqtınshalıq mirát etiw siltemeleri.
— Kanallarģa hám toparlarģa shaģım etiw ushın jańalanģan interfeys.
— Tekstti, yuzerneymdi, xeshtegti hám bionı nusqalaģanda kóbirek kórsetpeler.

Kóp jıllardan berli birinshi márte Android ushın Beta-versiya iOS'tan burın shıqtı.

#Android Aç / Yorum Yap

2021-02-19 14:52:52 Clubhouse'ta Pavel Durovtıń jalǵan akkauntı

Sońǵı bir neshe kún ishinde jazılıwshılarımız bizden Clubhouse'taǵı @durov akkauntı negizi Pavel Durovqa tiyisli yáki tiyisli emes ekenligin sorap atır edi.

Durovqa jaqın derekten alınǵan maǵlıwmatlarǵa kóre, Telegram tiykarshısı hesh qashan Clubhouse'ta bolmaǵan. Aç / Yorum Yap

2021-02-18 16:34:52 Kelesi Telegram jańalanıwı

Messenjerdiń rásmiy awdarma platformasında iOS ushın Telegram klientinde taza jańalanıwlar bar bolıp, olardan jaqınlasıp kiyatırǵan jańalanıw funkciyalari haqqında bilip alıwıńız múmkin.

Jańalıqlar:
– Translyaciya toparları (tek administratorlar jazıwı múmkin, hám qatnasıwshılar sanı sheklenbegen), mısalı: @broadcastchat
– Xabarlardı sazlanǵan taymer járdeminde avtomatik tárizde óshiriw qábileti, mısalı: @fastestchat
– Profil fotosúwreti yaki videoǵa shaǵım etiw imkaniyatı
– Jeke sáwbetleri ushın xabarlandırıw dawısların beyimlesiwshi tárizde sazlaw qábileti
– Waqıtsha mirátnama siltemeleri, QR kod islep shıǵarıwdı qollap-quwatlaw
– iOS klienti ushın vidjetler

Bul funkciyalardıń bárshesi jańalanıwdan soń Android klientlerinde de payda boladı.

#jańalanıw Aç / Yorum Yap

2021-02-18 12:58:13 Telegram облигациялары

Тармақта мессенжер тәрепинен конвертация қылынатуғын облигациялар арқалы ғәрежет топлаў туўрысында жаңа мағлыўматлар пайда болды. Қарыз хаққында мағлыўмат 14-январьда пайда болды.

Telegram облигацияларын жайластырыўдың өзине сай жери сонда, ол тар шеңберде инвесторлар арасында болып, қатнасыў ушын минимал чек 50 миллион долларды қурайды. Дереклердиң бирине көре, оны 10 миллион долларға шекем кемейтиў мүмкин.

Жайластырыўды Telegram шөлкемлестиреди хәм агентлер Россия, Европа, Азия хәм Жақын Шығыстағы банклер хәм брокерлердур. Газета дереклерине көре, Америкалықлар жайластырыўда қатнаса алмайды. Aç / Yorum Yap

2021-02-18 08:50:04 Telegram Desktop turaqlı 2.5.9 versiyaǵa jańalandı

Jańalıqlar:
— Xabarǵa juwaptı tańlaw ushın operativ túyme Ctrl+Up/Down endi pikir bildiriw bóliminde de isleydi.
— Bir neshe keshiktirilgen xabarlardı jiberiw waqtın ózgertiriw múmkinshiligi (maksimal 20).
— «Paydalanıwshılardı qosıw» bólimine «Silteme arqalı usınıs etiw» punkti qosıldi.
— Barlıq .webp fayllardı stiker túrinde kórsetiw (mediakóriwshide súwret túrinde ashıw múmkinshiligi menen).
— Kanallardaǵı postlardı dawıssız jiberiw waqtında túymeni almastırıw ushın jańa animaciya qosıldı.
— Dawıslı sáwbette administrator tárepinen paydalanıwshı dawısın ózgertiw hár kimge tiyisli.
— Error 400 ge itibar bermew: sáwbet tariyxın eksport qılıwda LOCATION_NOT_AVAILABLE.
— Usınıs etilgen siltemelerdiń jańa sintaksisin qollap-quwatlaw.
— Endi PDF-fayllar tek fayl retinde jiberiledi.
— Media almastırıw endi pikir bildiriw bóliminde de isleydi.
— Barlıq shıǵıwshı xızmet xabarları ushın tastıyqlanǵanlıq belgisi.
— Windows 10 da planshet rejiminde ayna ólshemlerin anıqlaw.
— Reńli animacion smayliklerdiń jańalanıwı.
— Kanallarda ayırım video xabarlardıń anıq kórsetiliwi.
— Ápiwayı topar iyesine adminlerdi qosıw hám alıp taslawdıń ılajı joqlıǵı anıqlandı.
— Kishi dúzetiwler hám jaqsılanıwlar.

Júklew: rásmiy saytınan yamasa GitHubtan.

#jańalanıw #desktop #turaqlı Aç / Yorum Yap

2021-02-15 19:14:05 Xabarıńız bar, Telegram Android programmistler arasında tańlaw járiyalaǵan edi. Tańlawdıń rásmiy saytında birinshi basqısh qatnasıwshılarınıń jumısları payda boldı.
⁠
Tóreshi aǵzalar tańlaw nátiyjelerin daǵaza qılǵanına shekem, siz usınıs etilgen jumıslar menen tańlaw saytında tanısıp shıǵıwıńız múmkin.

Kóriw ushın siz qatnasıwshını tańlawıńız hám «DOWNLOAD .APK» túymesin basıwıńız kerek.

Baǵdarlamalar úshinshi tárep islep shıǵıwshıları tárepinen jaratılǵanlıǵı sebepli tiykarǵı esabıńızdan paydalanıw usınıs etilmeydi.

#tańlaw Aç / Yorum Yap

2021-02-15 07:55:27 Ne ushın paydalanıwshılar Telegramda reklamadan qáweterlenbewi kerek

Pavel Durov Telegramda reklama qanday islewi tuwralı aytıp berdi.

1. Chatlarda reklama bolmaydı. Tek @durov sıyaqlı úlken kanallarda. Telegramǵa sociallıq tarmaq retinde emes, al messenjer sıpatında tayanatuǵın paydalanıwshılar hesh qashan reklamanı kórmeydi.
2. Hesh qanday targeting bolmaydı. Paydalanıwshılardıń maǵlıwmatları reklama maqsetine erisiw ushın isletilmeydi.
3. Bul Telegramda ámeldegi bolǵan reklama ushın jaqsılanıw. Kontent jaratıwshıları álle qashan reklamadan paydalanıp atır. Bul paydalanıwshılarǵa jaǵımsız tásirler qaldıratuǵın miyge sińdirtiwge urınıwshı reklamalardı ilgeri súriwshi kóplegen úshinshi tárep reklama tarmaqlarına tolı bılǵasıq bazar. Telegram bul jaǵdaydı kanal iyelerine qupıyalıqqa itibar beriw jolı menen alternativ variantın usınıw arqalı dúzetedi.

Paydalanıwshılar reklamadan bas tartıwı múmkin, biraq Pavel Durovtıń pikirinshe, qupıyalıqqa qaratılǵan reklama — kanal iyeleri keleshekte payda bolatuǵın sıylıqlar yamasa jazılıwlarǵa alternativ túrde óz jumısların monetizaciya qılıwdıń jaqsı usılı esaplanadı.

«Biziń tiykarǵı maqsetimiz — qarjı tárepten turaqlı hám óz abonentleri ushın eń jaqsı strategiyanı tańlawda erkin bolǵan kontent jaratıwshılarınıń jańa toparın payda etiw. Dástúriy sociallıq tarmaqlar paydalanıwshılar hám dóretiwshilerden maǵlıwmat toplaw hám manipulyaciyalıq algoritmler arqalı júdá uzaq waqıt dawamında paydalanıp kelmekte» — Pavel Durov. Aç / Yorum Yap