Bir siyeh şâla firâkunla dolandım bu gice Dâğ yakdım tenüme câ | Divan Edebiyatı
Bir siyeh şâla firâkunla dolandım bu gice
Dâğ yakdım tenüme cândan usandım bu gice
Zülf-i şeb-rengi gelür hâtıra gîsûlarınun
Mâr üşdi başuma sandım uyandım bu gice
Bana bî-çâre gönül âh çekerek ağlama dir
İşidüp bu sadedi haylî dayandım bu gice
Firkat-i hecre dayanmaz bu ten-i lagar âh
Müjde-i vuslatına gerçi inandım bu gice
Nev'îyâ mihr tulû'iyle cihan fer bulsun
Mehtâb ile nice renge boyandım bu gice
Neviden beyit ler..