2021-09-28 13:08:59
کؤچسم بو دونیادان آرا سئوگیلیم
ائلین قوجاغیندا تاپارسان منی
سینهم یانار داغدیر آتشی سؤنمز
وطن اوجاغیندا تاپارسان منی
چؤللره چایلارا دؤنر بدنیم
گونشلی، اولدوزلو گؤیلر کفنیم
بئشیگیم، مزاریم دوغما وطنیم
اونون تورپاغیندا تاپارسان منی
قارداش گؤزلرینه حسرتدی گؤزوم
منی قارا داشا دؤندردی دؤزوم
قوشولوب چایلارا آخاندا اؤزوم
آراز قیراغیندا تاپارسان منی
گوللرین شهدیدیر قلبیمده دیلک
ایلک باهار عشقیله چیرپینیر اورک
قیسمتیم اولماسا او گونو گورمهک
لاله یاناغیندا تاپارسان منی
چیچکلی حیاتا وورولوب حسن
ایشیقلی یولونو آلا بیلمز چن
گؤزلهسن بو یولون کروانینی سن
ظفر بایراغیندا تاپارسان منی
یازار: حسن ریاضی (ایلدیریم)
#qurd
@Turkisuzlar
828 views, 10:08