Täjik prezidentiniň ogly Rustam Emomali resmi sapar bilen Aşgabada bardy
Täjigistanyň awtoritar prezidenti Emomali Rahmonyň ogly, täjik parlamentiniň spikeri we paýtagt Duşenbäniň häkimi Rustam Emomali 11-nji maýda resmi sapar bilen Aşgabada bardy. Bu barada “Orient” neşiri habar berýär.
Rustam Emomali çarşenbe güni Türkmenistanyň prezidenti Serdar Berdimuhamedowyň kakasy we Halk Maslahatynyň başlygy, eks-prezident Gurbanguly Berdimuhamedow bilen duşuşdy.
Türkmen metbugatyna görä, taraplar iki ýurduň arasynda parlamentara gatnaşyklaryň ösdürilmegini we ikitaraplaýyn hyzmatdaşlygyň beýleki möhüm ugurlaryny maslahat etdi.
Şeýle-de, täjik prezidentiniň ogly Türkmenistanyň parlamentiniň aşaky palatasynyň başlygy Gülşat Mämmedowa bilen hem duşuşdy.
