Əsaslı şəkildə təkmilləşdirilmiş ofrouder səkkizsilindrli biturbomühərrik ilə təchiz olunub.
Brabus mühəndisləri G63 modelinin 4,0-litrlik mühərrikinin həcmini 4,5 litrə qədər artırıblar, sürgü qolu, porşenləri dəyişdiriblər və dirsəkli valı yenidən yonaraq tarazlaşdırıblar. Ofrouder yeni turbokompressorlara, iki yanacaq nasosuna, daunpaypa və idarəetmə blokunun xüsusi proqram təminatına sahib olub.
Bütün dəyişikliklərdən sonra, mühərrikin gücü 900 at gücü və 1250 Nm fırlanma anı təşkil edir. Bu güc təkərlərə doqquz pilləli avtomatik transmissiya və tam ötürmə sistemi vasitəsilə ötürülür. Brabus 900 Rocket Edition 0-100 km/saata qədər 3,7 saniyəyə sürətlənir. “Roketin” maksimal sürəti isə 280 km/saatdır.
Ətraflı: https://www.instagram.com/p/CQZKFIzrUAb/?utm_medium=copy_link
