2022-02-26 06:00:33
Səslər... Eşidirsən? Necə qışqırırlar. Hərkəs ağlayır. Səs səsə qarışıb. 30il keçir artıq. Amma bu səslər müharibənin səsləri deyil. Qışqırıraraq nə deyirlər? “Azadıq. Şuşa Azaddır. Ağdam azaddır.” Bəs Xocalım?
Fevral ayındayıq və bütün Azərbaycan əhalisinin ağlında silinməyən tək bir tarix var. 26 Fevral. Nə çox, nə az, tam 30il öncə torpağımızda qətliam törədildi. Körpələrin səsləri, anaların fəryadları qarışdı bir-birinə. 30ildir matəmlə anırıq bugünü. Hər il eyni şüar səslənir. “Unutmadıq, unutdurmarıq!”. Unutmadıq. Nə yerdə qalan qanımızı, nə gəncliyi əlindən alınan igid qız və oğullarımızı, nə gözü yaşlı qalan anamızı. Unutmadıq. Hər il qərənfillərlə gedib ziyarət etdiyimiz o ruhları oğurlanan bədənləri necə unuda bilərik axı?
Amma nəsə bir əksik var. Gözlərim dolur. Xocalı yoxdur...
Mən o tarixə aid videolara heç vaxt baxa bilməmişəm. Niyə? Axı o vəhşəti necə izləmək olar. Bir keçmişə bax. Xatırla. Ay Allah... Nə qədər vicdansızlıq olub. Xatırla. Nəfəsim kəsilir düşündükcə. Bunlar necə insandılar? Hansı ədalətə sığır bu etdikləri? Nə bilime. Deyəsi söz çoxdu...
Amma artıq sözlər yox, igidlər danışır. 30il əvvəl qucaqlarda gedən körpə oğullar bugün silahlarla aldı atalarının, babalarının qisasını. Anasının qucağında, atasının əlindən tutub qaçan balaca qızlar bugün o əsgərləri sağaltmaq üçün əllərində iynə, dərmanla gəzirlər yorulmadan, bezmədən, bir dəfə belə of demədən... Dünyaya səsimizi duyururlar. Dünyaya Azərbaycanı tanıdırlar. 30ilin həsrətini 44gündə bitirdilər. Zəfər bizimdir. Zəfər ruhunu göylərə tapşıran 2900 ağ qanadlı göyərçinindir. İndi can Qarabağla sərhəd yoxdur aramızda. Mərmilər, düşmənlər, acgözlər yoxdur torpaqlarımızda. Artıq Qarabağ yoxdur, Azərbaycan var.
Amma tam deyil qəlbimiz yenə də. Qərənfillər susmur. Ağlayır. Xocalı qəlbimizin əksik qalan yanıdır...
Müharibədən nifrət edirəm. Canlar alınmamalı, torpaq üstündə kimlərsə ağlamamalı. Amma madəm ki, bu yola çıxdıq... Xocalımı tək buraxmayın... Bu faciəvi tarix zatən silinməyəcək nə tarixdən, nə beynimizdən. Heç olmasa gücümüz olsun bu gün başımız dik gəzməyə...
Başın sağ olsun, ey qəhrəman xalqım. Başın daim dik olsun..
151 viewsLavini , 03:00