2022-06-11 16:22:54
BEŞİNCİ HİSSƏ Sual: İslamın dirəyi sayılan əməl hansıdır?
Cavab:
Namaz. Sual: Hədisi tamamla: Allahın elçisi (salləllahu əleyhi va səlləm) belə deyib:
“Bizimlə onların arasında əhd namazdır…”
Cavab:
“Bizimlə onların arasında əhd namazdır. Kim onu tərk etsə, artıq küfr etmişdir.” Sual: Namaz nə deməkdir?
Cavab: Namaz - xüsusi sözlər və hərəkətlərlə edilən, təkbirlə başlayan və salamla bitən ibadətdir.
Sual: Müsəlmana gün ərzində neçə dəfə namaz qılmaq vacibdir və bu namazlar neçə rükətdən ibarətdir?
Cavab:
Gün ərzində beş vaxt namaz qılmaq vacibdir.
1) Fəcr (Sübh) namazı - 2 rükət.
2) Zöhr namazı - 4 rükət.
3) Əsr namazı - 4 rükət.
4) Məğrib namazı - 3 rükət.
5) İşa namazı - 4 rükətdir.
Sual: Namazın şərtləri hansılardır?
Cavab:
1. İslam (müsəlman olmaq)
2. Ağıl (ağlın başda olması)
3. Təmyiz (uşağın yaxşını pisdən ayıran vaxtı, təxminən 7 yaş)
4. Namazın vaxtının girməsi.
5. Nəcasətin aradan qalxması (paltarın, bədənin və namaz qılınan yerin təmiz olması).
6. Təharət (qüsl və dəstəmazın olması).
7. Övrətin örtülməsi.
8. Qibləyə yönəlmək.
9. Niyyət etmək. Sual: Dəstəmazın rüknləri hansılardır?
Cavab:
1) Ağzın və burnun yaxalanması daxil olmaqla üzü yumaq.
2) Barmaqların ucundan dirsəklərə qədər (dirsəklər də daxil olmaqla) qolları yumaq.3) Başa və qulaqlara məsh çəkmək.
4) Topuqlar da daxil olmaqla ayaqları yumaq.
5) Bu tərtibə riayət etmək.
6) Bunları edəndə arada uzun fasilə verməmək. Sual: Dəstəmazı nələr pozur?
Cavab:
1) Öndən və arxadan çıxan. (nəcis, sidik, yel və s.)
2) Yuxuya getmək və huşu itirmək.
3) Dəvə əti yemək.
4) Qüslü vacib edən şeylər. Sual: Hədisi tamamla: Allahın elçisi (salləllahu əleyhi va səlləm) belə deyib: “Kim dəstəmaz alsa, sonra "Əşhədu ən lə iləhə illəllah, vahdəhu lə şərikə ləh və əşhədu ənnə Muhəmmədən abduhu və rasuluh" deyərsə, ...”
Cavab:
“Kim dəstəmaz alarsa, sonra "Əşhədu ən lə iləhə illəllah, vahdəhu lə şərikə ləh və əşhədu ənnə Muhəmmədən abduhu və rasuluh" deyərsə, onun üçün Cənnətin səkkiz qapısı da açılar və o kəs bu qapıların
hansından istəsə, daxil olar." (Muslim, 234).
𝐓𝐄𝐋𝐄𝐆𝐑𝐀𝐌 t.me/quranvehedis
39 views13:22