2022-02-18 19:37:18
Sən...
Gəl sənə səndən danışım biraz. Gülüşündən, baxışından. Nəfəsim olan nəfəsindən. Sonra sənin qəlbini ağrıdan, səni incidən hər yarandan. Onları sarmaq istəyişimdən, amma bacara bilməməyimdən... Sözlər olmadan, sadəcə gözlərlə danışım. Öncə baxım qəmzələrinə, gülümsəyim ehmalca. Sonra kirpiklərin,tək-tək saya bilərəm məsələn. Baxım saatlarla gözlərinə. Bilirsən ki, mən insanların gözlərinə baxa bilmərəm. Orada nifrət görməkdən qorxaram, həsrət görməkdən, ağrı görməkdən. Amma baxaram sənin gözlərinə. Orada nifrət olsun qoy. Təki hissizlik olmasın...
Gəl biraz da məndən danışım sənə. İçimdə olan həsrətdən, sarılmaq üçün səbəb, uzaq durmaq üçün bəhanə axtarışımdan. Güvənimi yerlə bir etmənə rəğmən sənə olan inamımdan. Gördün? Səndən danışarkən sevgimdən, məndən danışarkən həsrətimdən danışdım. Çünki sən də, mən də hislərin bədən tapmış halıyıq. Tək fərq, mən sevgiyəm, sənsə sevgisiz böyüyən uşağın içindəki ümidsizlik...
Həsrət içimdə, sən qəlbimdə, mənsə... Deyəsən mən deyə birşey yoxdur, mən bizə sahib olduğum gündən sonra heç mən olmadım...
45 viewsLavini , edited 16:37
F
