2022-04-29 23:01:37
18... Azadlıq yaşı deyirlər. Artıq özünü tanımağa başladığın, özünü kəşf etdiyin, öz qərarlarını verə bildiyin o yaş. Əslində sadədir. Sadəcə 1 rəqəm dəyişir. Amma qəribədir ki azadlıq hissi doğur insana anidən.
Hər yaşımdan uğur istəmişdim. 17 gətirdi diləyimi. İndi xoşbəxtlik diləyirəm. Elə bir xoşbəxtlik ki, bundan sonra 30.04 tarixində bunu diləməmə ehtiyac qalmayacaq qədər. Elə bir xoşbəxtlik ki, yazmaqda olduğum kitabın hər səhifəsindəki qədər. Hüzur dolu, nəfəs dolu bir xoşbəxtlik...
Mən yazaram. Ya da yazar olacam. Bəlkə də bu xəyal olaraq qalacaq, yazar filan olmayacam. Yenə də mən istəyirəm ki, bir gün geriyə qalan mirasım olsun yazdığım kitablar. Bir gün bir kitab rəfində bir kitaba dəysin gözlər. "Aa, Leylanın yeni kitabıdır bu" deyilsin istəyirəm.
Sevgili 18. Səndən sözlər istəyirəm. Ruha toxunan, paslanmayan sözlər. Özümü tanıtmaq üçün, danışa bilmək, hüzur tapmaq üçün. Öz xoşbəxtliyimi yazmaq, yaratmaq üçün. Çünki mən, yazacam, duyğulardan bir okean yaradacam.
Sizlə bölüşmək istədim.
659 viewsLavini , 20:01