Azatlyk

2022-04-20 17:43:31 Garagumda dyngysyz ýagyş ýagdy. Köne tehnika ilatyň tok üpjünçiligini bökdedi

18-19-njy aprelde Mary welaýatynyň käbir sebitlerinde dyngysyz ýagyş ýagdy. Munuň bilen bagly welaýatyň käbir obalarynda elektrik energiýasynyň we gazyň üpjünçiliginde näsazlyk emele geldi. Bu näsazlyk ilatyň, şol sanda önüm öndürijileriň gündelik durmuşynda dürli kynçylyklary döretdi.

Azatlyk Radiosynyň Marydaky habarçysynyň maglumatlaryna görä, Garagum etrabynyň obalaryna iki günläp uzakly gün tok berilmedi. Tok üpjünçiligi gijelerine hem kadaly bolmady.

"Toguň kesilmegi netijesinde mekdeplerde mugallymlar sapaklaryň arasyndaky arakesmeleri özleri kesgitlemeli boldular. Bu bökdençlik etraplardaky önüm öndürýän telekeçileriň işini hem saklady. Agyz beklän adamlar garaňkyda agyz açyp, näme iýýänini hem doly bilmediler. Tok ýoklugy sebäpli metjitlerde azan hem aýdylmady" diýip, garagumly oba ýaşaýjysy anonimlik şertinde 20-nji aprelde gürrüň berdi. Aç / Yorum Yap

2022-04-20 17:42:49 Balkanda bugdaýlar suwsuz. Häkim prezidente 'batly' hasabat berýär

Balkan sebitiniň Serdar, Magtymguly, Bereket etraplarynda bugdaý eken daýhanlar, bugdaý meýdanlaryndaky ýiti suw ýetmezçiligi zerarly, ekiniň 60 göterimden gowrak hasylyny ýitirendigini aýdýarlar. Bu habar hökümet başlygynyň obasenagat toplumyna gözegçilik edýän orunbasary we sebit häkimleri bilen "möwsümleýin oba hojalyk işleriniň barşyny” ara alyp maslahatlaşmagynyň yz ýanyndan geldi. Emma resmi habarlarda ýurduň ekin meýdanlaryndaky suw ýetmezçiligi, bu meselede daýhanlara nähili kömek edip boljagy barada hiç zat aýdylmaýar.

Serdar, Magtymguly, Bereket etraplaryndaky bugdaý meýdanlaryna suw ýetmeýär, sebitiň agronomlary şu ýyl bugdaý hasylynyň 65%-niň ýitendigini aýdýarlar diýip, Balkandaky habarçymyz habar berýär.

Onuň sözlerine görä, ýyl başyndan bäri bir gezegem suwarylmadyk bugdaý meýdanlary bar.

"Gyzlarbat, Paraw, Çerkezli, Mäne, Gumly daýhan birleşiklerinde ýyl başyndan bäri tasdan hiç hili suw görmedik ekinler bar, ýagyş ýeterlik Aç / Yorum Yap

2022-04-19 19:30:42 Balkanda gözellik salonlary we gijeki klublar ýapylyp, ilatyň geýimine gözegçilik güýçlendi

Türkmenistanda kosmetiki hyzmatlary hödürleýän gözellik salonlarynyň işine girizilen gadaganlyk Balkan welaýatyna hem baryp ýetdi. Ýurduň günbatar welaýatynda gözellik salonlary köpçülikleýin ýapyldy. Mundan başga-da, häkimiýetleriň jynsy balak geýýän gelin-gyzlara we şorty, gysga balak geýýän erkek adamlara gözegçiligi güýçlendi. Sebitde gijeki klublaryň käbiri hem ýapyldy.

Azatlyk Radiosynyň Balkandaky habarçylarynyň maglumatlaryna görä, gözellik salonlarynda kosmetiki hyzmatlaryň we proseduralaryň hemmesi diýen ýaly gadagan edildi.

"Şu günler gözellik hyzmatlaryny, şol sanda goşmaça kirpik goýmak, dodagyňy çişirtmek hyzmatlaryny hödürleýän kosmetologlar işsiz galdy. Polisiýa olaryň işini gadagan edip, olary soragy çekýär we olardan dilhat alýar" diýip, balkanly çeşmämiz 19-njy aprelde gürrüň berdi. Aç / Yorum Yap

2022-04-19 15:29:56 Balkanda täze prezidenti wasp edip, goşgy ýazmak boýunça bäsleşik yglan edildi

Türkmen häkimiýetleri täze prezident Serdar Berdimuhamedowyň şahsyýet kultuny döretmek boýunça tagallalaryny güýçlendirýär. Balkan welaýatynda täze prezidenti wasp edip, goşgy ýazmak boýunça näresmi bäsleşik yglan edildi. Häkimiýetler bäsleşigiň ýeňijilerine "uly baýrak" wada berýär. Bu barada Azatlyk Radiosynyň habarçysy sebitden maglumat berýär.

Balkanly býujet işgärleriniň ençemesiniň habarçymyza aýtmagyna görä, bu bäsleşik welaýatyň bilim we medeniýet bölümleri tarapyndan dilden yglan edildi.

"Akadagly Serdary öwüp goşgy ýazan şahyrlara "iň gowy goşgy" üçin baýrak we serpaý wada berilýär. Iň ökde şahyra baýrak we serpaýy welaýat häkiminiň hut özüniň gowşurjakdygy aýdylýar" diýip, efirde atlandyrylmasyzlygyny soran medeniýet işgäri 19-njy aprelde gürrüň berdi. Aç / Yorum Yap

2022-04-19 15:29:22 Marynyň polisiýasy köpçülikde gedaýçylyk edýän adamlary nyşana alýar

Ýaramaz ykdysady şertleriň arasynda el serip, gedaýçylyk edýän adamlar polisiýa tarapyndan nyşana alynýar. Marynyň polisiýasy gedaýlara garşy girişen nobatdaky kampaniýasyny “arassalaýyş” atlandyrýar. Gedaýçylyk bilen meşgullanýan adamlaryň arasynda maýyplygy bolan adamlar, köp çagaly maşgalalar we ýaş çagalar bar. Bu barada Azatlyk Radiosynyň habarçysy sebitden habar berdi.

Gedaýlara garşy girişilen kampaniýa sebitde heniz bazarlar ýapylmanka başlady. Ýatlasak, Azatlyk Radiosynyň habarçysy 15-nji aprelde Marynyň iri bazarlarynyň gaýtadan ýapylandygyny habar berdi.

Habarçymyz dilegçileriň köplenç bazarlarda dilegçilik edýändiklerini habar berýär.

“Maýyp adamlar bazarlara çykyp, köpçülikleýin gedaýçylyk etmäge başladylar. Şäher ýerlerinde olaryň dükanlaryň öňünde oturmagyna we gedaýçylyk etmegine rugsat berilmeýär. Kowýarlar” diýip, Azatlyk Radiosynyň habarçysy geçen hepde sebitden habar berdi. Aç / Yorum Yap

2022-04-18 18:00:28 Maryda ençeme bazar gaýtadan ýapyldy

Türkmenistanda COVID-19-yň ýokdugyny öňe sürýän türkmen häkimiýetleri ýurduň käbir welaýatlarynda pandemiýa aladalary sebäpli girizilen çäklendirmeleriň gerimini gaýtadan güýçlendirýär. Maryda bazarlaryň ençemesi ýapylyp, olaryň girelgelerine beton böwetler goýuldy. Saglyk işgärleriniň birnäçesi munuň ilat arasynda COVID-19-yň "omikron" görnüşi bilen keselleýänleriň köpelmegi bilen baglanyşyklydygyny aýdýar. Bu barada Azatlyk Radiosynyň habarçysy Marydan habar berdi.

15-nji aprelde Mary şäherindäki "Altyn Asyr", "Bagtyýarlyk" we "'Güneş" bazarlary, şeýle-de, Mollanepes köçesiniň ugrundaky "Gök bazary", Oguzhan köçesiniň ugrundaky "Ak bazary" we A.Nyýazow köçesiniň ugrundaky "Läle bazary" duýdansyz ýapyldy. Olara söwdagärler we alyjylar goýberilmedi. Bazarlaryň girelgelerinde uly beton böwetler goýlup, awtoulaglaryň bazarlara girmegi çäklendirildi. Aç / Yorum Yap

2022-04-18 17:59:40 Türkmenistanyň futzal boýunça milli ýygyndysy 21 gün karantine "alyndy"

Daşary döwletlerden ýurda dolanan Türkmenistanyň futzal boýunça milli ýygyndysy 21 gün karantine alyndy. Bu aralykda, sebitde COVID-19 aladalary sebäpli girizilen çäklendirmeleriň çäginde ýapylan käbir bazarlar gaýtadan açyldy.

Azatlyk Radiosynyň Lebapdaky habarçysynyň maglumatyna görä, Gyrgyzystanda geçirilen Aziýanyň kubogy ugrundaky ýaryşyň saýlama tapgyryna gatnaşan Türkmenistanyň futzal boýunça milli ýygyndysynyň agzalary 15-nji aprelde sebite geldi.

"Lebap welaýatynda Türkmenistandaky iň uly karantin zonalary ýerleşýär. Bu ýerde daşary ýurtlardan gelýän ähli raýatlar we sportsmenler 21 günlük karantinde bolmaly edilýär. Türkmenistanyň futzal boýunça milli ýygyndysynyň 30 töweregi agzasy 15-nji aprelde Farap gümrük nokadyndan geçdi we 21 günlük karantine ýerleşdirildi" diýip, çeşmämiz 17-nji aprelde gürrüň berdi. Aç / Yorum Yap

2022-04-18 13:45:53 Aşgabatda içerki migrantlar ýene tussag edilýär, jerime salynýar we paýtagtdan kowulýar

Türkmenistanyň paýtagtynda Aşgabatda zähmet çekýän welaýat ýaşaýjylaryna garşy polisiýa çäreleri güýçlendirildi. Azatlygyň habarçylary we çeşmeleri Türkmenistanyň paýtagtynda we onuň töwereginde welaýatlylary tutmak üçin geçirilýän köpçülikleýin reýdler barada habar berýärler.

Habarçylaryň sözlerine görä, beýleki sebitlerden gelen welaýatlylary kesgitlemek we tussag etmek üçin reýdler bir hepdäniň içinde amala aşyrylýar. Zähmet migrantlary hem Aşgabadyň özünde, hem-de paýtagtyň töwereklerinde tutýarlar.

Aşgabatda polisiýanyň awtoulaglary yzygiderli aýlanýar we "şübheli" hasaplan adamlary saklap, başga bir welaýatdan gelendigini anyklasa hiç bir kanuny bozmadyk adamlary polisiýa bölümlerine äkidýär diýip, habarçylar aýdýar. Aç / Yorum Yap

2022-04-18 13:31:26 Sebitara taksiler hereket çäklendirmeleri zerarly häkimiýetlere para bermeli bolýar

Azatlyk Radiosynyň habarçysy Balkan-Aşgabat aralygynda gatnaýan taksi sürüjileriniň sebitara hereket çäklendirmeleri bilen bagly ýüzbe-ýüz bolýan päsgelçilikleri barada habar berýär.

Sebitara taksi sürüjileri hereket çäklendirmelerinden häkimiýetleriň "bikanun girdeji çeşmesi" hökmünde peýdalanýandyklaryny aýdýarlar.

Azatlyk Radiosynyň habarçysy Aşgabatdan Balkan welaýatyna, ýa-da Balkandan Aşgabada gara ýoluň üsti bilen päsgelçiliksiz barmak üçin taksi sürüjileriniň häkimiýetlere ýüzlerçe manat para bermeli bolýandyklaryny habar berýär. Aç / Yorum Yap

2022-04-15 17:15:34 "Gözellik" gadagançylygy. Türkmenistanda owadanlyk salonlary ýapylýar

Türkmenistanda gözellik salonlary köpçülikleýin ýapylýar. Kosmetiki hyzmatlaryň we proseduralaryň hemmesi diýen ýaly gadagan edildi. Diňe dellekhanalar açyk galýar, olaryň işi diňe saç gyrkmak bilen çäklenýär. Hatda saç reňklemek hem gadagan edildi.

Azatlyk Radiosynyň habarçylarynyň maglumatlaryna görä, bu gadaganlyk gözellik salonlaryna, dellekhanalara we massaž edýän kärhanalara degişli. Olaryň edýän hyzmatlarynyň ähli görnüşleri diýen ýaly gadagan edildi.

"Ählisi! Manikýur, pedikýur, kosmetologiýa, massaž, depilýasiýa, gaş bejermek. Hiç kim işläp bilmeýär" -diýip, Azatlygyň Aşgabatdaky çeşmelerinden biri aýtdy.

Çeşmeleriň we habarçylaryň sözlerine görä, indi diňe saç kesmek üçin dellekhanalara işlemäge rugsat berilýär. Saç reňklemek gadagandyr. Aç / Yorum Yap