2022-02-01 18:19:25
Ақ халатлы аппақ әрманым...
Ўәделестик! байладық кеўил жибин,
Күт дедиң. Санап жүрдим оқыў жылың,
Аўыл салқын, гүзлер қыстай тоңдырады,
Шайқаған, таллар басын мениң жырым..
Ийиледи мажнунталлар шақалары,
Сырларыма гүўа суўдың жағалары,
Тармақтағы суўретиңе телмиремен,
Аўырғанда сызлап, кеўил жаралары..
Жийделерди ийискелеп сен жақтырған,
Ынтық болып, пинхан жылап таң атырған,
"Отырған қыз" десер болды мен ашықты,
Үмит жибин жалғап жүрген бир хатыңнан!
Диплом қолда! Тахыяңды ылақтырып
Мен сорлыдан талғамыңды жырақ қылып
Өзгелерден сорай алмай дерегиңди
Ҳәрекетим қыз басыма уят қылық
Көнип көрсин дегениң-бе сынақларға,
Жулқынады делбе журек жырақларға,
Сен келмедиң, келди сеннен шақырыў хат
Жалтыраған жузиклериң бармақларда..
****
Ынжық болар екен ийбеси қыздың,
Қурбаны болса да еки аўыз сөздиң,
Бийнесип қалдырған ашық жүректи,
Тәғдир қыстаўына қолымды создым.
Бахыт талас базарында турмыстың,
Қурғақ уәде берип жалғыз жургиздиң,
Өз бахтына күте күте кешкиккен,
Ийесимен сүйиў атлы қылмыстың.
Мен кешиккен бәндиргилер шақырар,
Гүлдирмама атың айтып бақырар,
Өртеп, өзиң жаққан ышқы ошағы,
Ахўалыма арзыўларым ах урар.
Хошласпай кеткениң, теңеп балаға?
Бәлким ырайыңды бузған жалама?
"Гүл көйлегим кийип" өзиң жақтырған,
Шыдатпай хазарың, шықтым қалаға..
Өзиңе айтаман күткенлеримди,
Сүйдирип, интизар еткенлериңди,
Қатты боянбадым, жасырмайын деп,
"Өзиң жақсы көрген сепкиллеримди".
Жазмышқа шараны излеген болып,
Ишимнен бир әжеп ғайратқа толып,
Барлық естеликти салып дорбама,
Шақырыў хатыңды қойныма қойып..
Жүректе уўайым, қадем тасладым,
Жийделер төгилип шайқар басларын,
"Тойға барамыз" деп сәлем айтысты,
Шығарып салғанда классласларың,.
Жол бойы ойланып ойды тоздырып,
Көликти қыяллар барды оздырып,
Жаптан бой көтерген қамыслар басы,
Әўмет тилескендей бойын создырып..
Ашық исин қалдырмайын шалаға,
Деген нийет қуўат берип санаға,
Тәўекел деп келип қалдым сүйиклим,
Сени меннен тартып алған қалаға.
Улкен имәратлар төбемнен қарап,
" Бу не кешиктиң?" Деп турғандай сорап,
Сүйеди! Сүймейди! Дегенге жорып,
Отырдым дизилген "Дамасты санап".
2021.12.12
Даўамы *
Бир биринен сулыў узын көшелер,
Көрикли кийинген көрикли қызлар,
Бул қалаға бийганаман! Сезилер,
Қызғаныш бийлеген кеўилим сызлар.
Жек көремен хәтте зәулим уйлерди,
Кеўилим тар болып қалғанба сирә?,
Бир инсанды суйип, барлық әлемди,
Жек көрип қалған мен сорлыны қара!
Шыпахана жақын, ойлар орасан,
Алагөлек минез, бундай көрмеген,
Қорқыныш басқанда ойлап қарасам,
"Докторға хеш жолықпаған екенмен "
Келдим саў басымды салып сылтаўға,
Бийтапқа уқсайды негизи жузим,
Тил питсин бул ынжық кеўил, сақаўға,
Ашагөр сен, соқыр ашықтың көзин.
Кабинетиң алды, нәубетке толы,
"Бир қыз көзлериме таныс көринер"
Қарынын сыйпалап тынбады қолы,
Орнынан турыўға мәзи еринер..
Тырнап алақанды, аўызым кеўип,
Келиспей ақыл хәм журек сәўбети,
Бир аяқ екинши аяқты теўип,
"Келди, бағанағы қыздың нәўбети...
Асығыслық етпей, Еринип сөйлеп,
Кириң деп, сермеди маған есикти,
Тырнақлары узын, хәм келте көйлек,
Маған нәўбет берип, өзи кешикти.
Журектиң дурсили қулақ астында,
Қадемим даўысы алды әлемди,
"Аппақ Халат, аппақ қалпақ басында"
Қәсте ашығыңа көрип жан енди.
Ентигип қолыңды создың кулимлеп,
Албырап қолымды создым уятлы,
Телефоның қоңыраўы гурилдеп,
Мениң менен өшлес болған сыяқлы.
"-Алло..
Усы соңғы пациент... Болды,
Хорошо" деп қысқа кестиң сәўбетти,
Саўлатыңды көрген көзлерим толды,
"Сулыў Доктор болыпсаң қәдди қәўметли.."
Даўамы бар*
Мукаррама Оразбаева
2022.02.01
Кеўил Кеўилден суў ишер
@keuylge_zhol
Каналға ағза болың
304 views15:19