QARAQALPAQ ÁDEBIYATÍ

2021-10-15 16:26:10 КЕТЕРМЕН...

Кетермен барине колымды силтеп 
Енди излериме хасла кайтпаспан 
Ышкында мын жанып куйгеним ертек 
Сени сагындым деп сира айтпаспан 

Кетермен барине колымды силтеп 
Толтырып тозимнин ен сонгы бетин 
Журек жасар енди озин кастерлеп 
Бугин сагынышы, азабы еркин 

Кетермен барине колымды силтеп 
Хижранлы тун кушагы калады менсиз 
Бир болек тас ушын не даркар олмек 
Жасайман, жасай аламан сенсиз 

Кетермен барине колымды силтеп 
Изимнен майсалар барады онип 
Несийбем шашылар бир озге тареп 
Косыкларымсыз жасайсан конип 

Кетермен барине колымды силтеп 
Жуз бир болекке болип хатымды 
Жасарман еле де Алладан тилеп 
Адасып кайларда журген бахтымды 

Кетермен барине колымды силтеп 
Тап айне уактында ашылды козим 
Кеулимнин арзыулар олшемин шеклеп 
Калбиме топладым ибадат созин 

Кетермен барине колымды силтеп 
Кыялда, журекте хар не оширдим 
Мухаббат сезимин озине жуклеп 
Калбимнен ен ауыр музды коширдим 

Кетермен барине колымды силтеп 
Суйгеним ырас еди ал енди жалган 
Енди кеш, енди хеш бармайды излеп 
Бир телбе кимсе мендей сагынган...

 Перихан Қазақбаева Aç / Yorum Yap

2021-10-15 16:25:57 Aç / Yorum Yap

2021-10-12 22:24:50 Халқым, мен сизлерге СТАН əпердим!

Туўылдым жолбарыслар жасаған жерде,
Бул жердиң көксинде сирискен зерде,
Қолларым жылаўда таңылдым ерге,
Қырман бөлискендей ығбал əпердим.

Ат шаптым замана жанын суўырып,
Атым зорыққанда жаяў жуўырып,
Жанымды қуўырмаш етип қуўырып,
Жүрекке соңы жоқ əрман əпердим.

Бар дəрья, теңизи, тоғайы, таўы,
Жери байдың хəр ўақыт болады жаўы,
Ең аўыр, шешилмес даў жердиң даўы,
Дос азлаў мəккар көп душпан əпердим.

Топ жарып өзимди ҳайрана урдым,
Ақыл жарысында ойларым қурдым,
Турысар жерлерде тайсалмай турдым,
Жүйрик зибаныма қақпан əпердим.

Жан жақтан анталап қараған көзди,
Жан тəним руўхым соларды сезди,
Қарақалпақ деген муқаддес сөзди,
Барлық сөзлерден де бəлент көтердим.

Ғаз қуўға көл елге мəнзилиў-мəскан,
Кийик қуланға шөл бүлбилге бостан,
Бүркитке журт енши таў менен тастан,
Еркин ушатуғын аспан əпердим.

Ойын қырын шарлап жақын жырақтың,
Майы боп келешек деген шырақтың,
Қəдирин билиң бул уллы топрақтың,
Халқым, мен сизлерге "СТАН" əпердим!

Канал: @X_Dauletnazarov Aç / Yorum Yap

2021-10-12 22:23:53 Тек Қарақалпақ тилинде

Мукаррама Оразбаеваның " Кеўилге Жол "
каналы

Сезимлер көзден емес қәлемнен төгилсин

Админге байланыс: @Sezym_bot
https://t.me/keuylge_zhol Aç / Yorum Yap

2021-10-11 00:45:50 Үзилмеген үмит

( Заманласым тилинен...)

Мәўсимлер алмасып, қағып қанатын,
Жыллар етегинде жаслық баратыр,
Өзгеге билдирмей , иштен туңилип,
Бос бесикте толы арзыўлар жатыр.

Жылап оянаман, ақшам қыйналып,
Кеўлимде дәртлерим қалды жыйналып,
Пырқылдап оятып аламан сени,
Ал сен терис қарап жаттың ойланып...


Талай ақшамларда , мен сени куүтим,
Унсиз сабырымның етегин туттым,
Ал, сен қараңғыда, түтин арасы,
Шылым менен бирге, қайғыңды жуттың...

Жөнсиз, гейде маған өкпе артасаң,
Болмаған нәрсеге даўды тартасаң,
Жаратқанның жазған жазмышы болса,
Дуняның бир кемин кимге айтасаң?..

Үзип умит жибин кетсем не пайда?
Кетпеймен, көремен, барын маңлайда,
Тилерим-арманлы қосығым болып,
Хәййиуим қалмағай мәңги таңлайда...

Мукаррама Оразбаева..
Канал: @keuylge_zhol Aç / Yorum Yap

2021-10-10 21:36:16 Мен тиримен!!!
(Арал теңизи тилинен)
автор Т.Қарлыбаев
24.11.2020 жыл.

Мен тиримен - еле ерте көмиўге,
Мен тиримен - асықпайман өлиўге,
Адамзаттың қәтеси бир теңизди,
Себеп болды жүзлеп көлге бөлиўге.

Мен тиримен - байласаң да сағамды,
Мен тиримен - буўсаңлар да жағамды,
Қашанлардур толқынларды ойнаттым,
Ҳәўеслетип Каспий деген ағамды.

Мен тиримен - дуньяға көп мийнетим,
Мен тиримен - бийкар кетти зийнетим,
Фашистлерге қарсы турған әскерге,
Азық бердим, нурлы еди нийетим.

Мен тиримен - еле жоқдур қәбирим,
Мен тиримен - инсан берди жәбирин,
Пахта егип, суўсыз мени қалдырып,
Сынасаң да еле күшли сабырым.

Мен тиримен - шығармаңлар өлдиге,
Қәдирлеңлер қумлық басқан шөлди де,
Умыттың ба?, бекиремниң мазасын,
Сол балықтан қалдырмадың төлди де.

Мен тиримен - итибарсыз қалсам да,
Байқамайсаң ҳалсиз болып талсам да,
Ғәзеп пенен ашшы дузды тараттым,
Нәзериң жоқ ашыўымды алсам да.

Мен тиримен - үмитим бар өмирден,
Жанатуғын, оттан қалған көмирмен,
Әзирейилге аңсат берер жаным жоқ,
Дизиминде ең биринши нөмирмен.

Мен тиримен - ажыратсаң да журтымнан,
Пайдаландың балық алып уртымнан,
Мине ҳәзир шала жанлы болсам да,
Байыдыңлар, ҳәтте майда қуртымнан. Aç / Yorum Yap

2021-10-08 20:22:22 УМЫТПАСПАН СОЛ БИР ПАХТА ТЕРИМДИ

(Қарақалпақ айтысы топары темасына)

Мине тағы бир гүз нәўбетин алып
Қыраў жапырақтың жүзлерин шалып
Пахтазардың сытырлаған даўысы
Қойғандай өзиңди есиме салып

Сен студент едиң, көмекке келген
Бираз алысырақ, Нөкистей жерден
Өзиңе мениңше ана тәбият
Сын-сынбат, шырайды аямай берген

Атың да шақ түскен тилиңе бирдей
Көзлериң теңиздей, жүзлериң ҳүрдей
Бийпәрўа өткендей көринсемдағы
Кете алмас едим атызға кирмей

Саған көплер өз сезимин арнады
Кеўлиңди таппаға кимлер бармады?!
Сен тәреп қолайлап атқаны менен
Көбинше бос қайтар еди қармағы

Ал мен кесип, гөне жаптың ултанын
Ушар едим болып мисли суңқарың
Ядыңда бар шығар миңгесип қайтқан
Еки дөңгелекли темир тулпарым

Сен шәҳәр қызысаң, талғамы бийик
Сонда да қалғанман мен сени сүйип
Бир айдан соң қайтып кеттиң оқыўға
Аўылдың турмысы жаныңа тийип

Ядға түсип сен қырмызы еринли
Ашық Ойшыл қыялларға берилди
Қанша жыл өтсе де мейли арадан
Умытпаспан сол бир пахта теримди

Ниетулла (ойшыл)
02.10.2021 Aç / Yorum Yap

2021-10-07 14:13:39 Ананың зары ...

Ғышыр~ғышыр шыйқылдайды еденим ,
Ағашындай толқын жойтқан кемениң ,
Эҳ балам~әә..сен "келемен"~деп едиң ,
Қайтпайсаңба ?.. ырзаласып қалайын .

Ызғарланар көз жас тамған көрпешем ,
Өз етимсең ,сен өзимди өртесең ,
Әлле қашан күл кеўилим түртесең ,
Қайтпайсаңба ?...дийдарыңа тояйын .

Қатарым жүр ақлықларын ойнатып ,
Аналарын ақ жаўлықта тойлатып ,
"Үй"де болмай ,қойдың мени ойлатып ,
Қайтпайсаңба бир рет көрип қалайын .

Жолға қарап сарғыш жүзим сабанман ,
"Сары шашқа "өр кеўилим табанман ,
Артықпа ол мендей ғәрип анаңнан,
Қайтпайсаңба?..бир нәзерим салайын .

Ақ сүтимди берип едим кем қылмай ,
Қоймап едим қурбың менен тең қылмай ,
Әке болдым гези келсе жем қылмай ,
Қайтпайсаңба ?..бир тиллесип қалайын .

Тикленип бир қаралмайман ел журтқа ,
Хабарың жоқ ,кеткендейсең жаў "жут"қа ,
Бес күнлигим барма мениң я..жоқпа ?!
Қайтпайсаңба ?..жүзиң көрип қалайын .

Жатырман тек ,муздай жерди баўырлай ,
Хабар алар , коңсы,туўыс ғаўырлай ,
Мен ырзаман....аман жүр сен аўырмай ,
Қайтпасаңда ырзаласып қалайын .

( Бир ўақыядан )

Зульфия
Жийемуратова . Aç / Yorum Yap

2021-10-07 14:13:37 Aç / Yorum Yap

2021-10-07 12:34:32 Aç / Yorum Yap