Azatlyk

2022-06-27 15:28:30 Türkmenistanda howanyň gyzgyny rekord derejelere çykýar

Türkmenistanda howanyň gyzgyny ýene-de adatdan daşary derejelere ýetdi diýip, “Türkmenistanyň Hronikasy” neşiri “Meteožurnala” salgylanyp habar berýär.

Aşgabatda howanyň gyzgyny kölegede 45 derejä ýetdi, birnäçe sebitde rekord görkezijiler bellige alyndy: Saragtda - 45,9 dereje, Ýerbentde - 45.5, Serdar şäherinde (Gyzylarbat) - 44, Baýramalyde - 44.8.

Şeýle-de neşir howanyň gyzmagynyň 27-29-njy iýunda has ýokary derejelere çykjakdygyny, paýtagtda howanyň temperaturasynyň 47 gradusa, rekord derejä ýetip biljekdigini duýdurýar.

Habarda aýdylmagyna görä, soňky ýyllarda ýyllaryň aşa yssy gelmegi ýygjamlaşýar we 100-135 ýyl aralygyndaky iň yssy ýyllaryň köpüsi soňky birnäçe ýyla düşýär.

2015, 2018, 2019 we 2021-nji ýyllaryň tomus aýlary Türkmenistan üçin iň yssy aýlar boldy. Mundan ozal ýyllaryň yssy gelmeginde beýle ýygylyk görülmändi diýip, habarda bellenýär. Aç / Yorum Yap

2022-06-23 15:35:33 Marynyň ilatyna 2021-nji ýylyň dekabry üçin un 'paýogy' paýlanýar

Mary welaýatynyň käbir şäherlerinde, etraplarynda we obalarynda döwlet dükanlary ilata 2021-nji ýylyň dekabr aýy üçin un "paýogyny", aradan alty aý geçen soň, şu aýyň 20-lerine paýlap başladylar.

Ýöne ýerli ýaşaýjylar subsidirlenen önümleriň elýeterli bolan dükanlarynda alyjylara hili pes, bitli, ajy unuň satylýandygyny aýdýarlar.

Şol bir wagtda, welaýatyň käbir çetki obalarynyň ýaşaýjylaryna geçen ýylyň oktýabr we noýabr aýlary üçin un "paýogy" heniz hem berilmeýär. Aç / Yorum Yap

2022-06-21 15:52:56 Türkmen deputaty aýallar üçin kosmetiki gadaganlygy 'sanitariýa' sebäbi bilen düşündirdi

Türkmenistanyň Milli Geňeşiniň Mejlisiniň deputaty Serdar Arazowyň sözlerine görä, Türkmenistanda aýallara özüni çekijilik usullaryndan, kosmetologiýa hyzmatlaryndan peýdalanmagynyň gadagan edilmeginiň sebäbi "doly sanitariýa maksatlaryna esaslanýar".

Türkmenistanda aýal-gyzlaryň daş keşbine we özlerini alyp baryşyna berk gözegilige duçar bolmagyna iki aýdan köp wagt geçdi.

Emma häkimiýetleriň zenanlara garşy girizen gadagançylygynyň sebäpleri henizem nämälim galýar. Kimdir muny prezidentiň aşa konserwatiw garaýyşlary bilen düşündirse, beýlekiler muňa häkimiýetleriň ilata görkezýän nobatdaky eden-etdiligi hökmünde garady.

Bu aralykda ýene bir düşündiriş türkmen deputaty tarapyndan tötänden peýda boldy. Aç / Yorum Yap

2022-06-21 15:52:03 Günbatar Türkmenistanda bolan ýer sarsgyny ilat arasynda howsala döretdi

20-nji iýunda irden sagat 8-9 töwereklerinde Balkan welaýatynyň Türkmenbaşy şäherinde ýer titredi

Birleşen Ştatlaryň Geologiýa barlag merkezi 20-nji iýunda Türkmenistanyň günbatar sebitinde 4,6 bal derejesinde ýer titremäniň hasaba alnandygyny habar berdi. Maglumata görä, ýer titremäniň merkezi we ojagy Balkanyň Bereket sebitiniň 74 kilometr günortasynda, 12.1 kilometr çuňlukda ýerleşýär.

Azatlyk Radiosynyň habarçysy Türkmenbaşy şäherinde ýerli ýaşaýjylaryň ikinji sarsgynyň bolmagyndan gorkup, belli bir wagta çenli öýlerine girmäni, daşarda garaşandyklaryny habar berdi. Aç / Yorum Yap

2022-06-20 15:09:00 Ýene 100-den gowrak adam Türkmenistany hemişelik terk etmek üçin uçar biledini satyn aldy

Türkmen häkimiýetleri "Türkmenistan" awiakompaniýasynyň Kazana (Russiýa) yzygiderli uçar gatnawlaryny dikeldýändigini yglan edensoň, "Türkmenhowaýollary" agentliginiň öňünde adamlaryň uly nobatlary emele gelip başlady. Türkmenistandan Russiýa göçüp gitmek isleýän 120 töweregi türkmenistanly, agentligiň öňünde birnäçe günläp nobata durandan soň, Kazana uçar biledini satyn almagy başardy. Bu barada Azatlyk Radiosynyň habarçylary Aşgabatdan habar berdiler.

"Nobata duran adamlaryň aglabasy, rus ilçihanasynyň sanawy esasynda, ýurtdan doly göçüp gitmek kararyna gelen, ähli resminamalary taýyn bolan türkmenistanlylardyr. Olar S7 bilen uçuşlar ýatyrylandygy sebäpli ýurtdan gidip bilmändiler. Aşgabatdaky rus ilçihanasynyň wekilleri olara Kazana uçar biledini satyn almagy maslahat berdiler. Aç / Yorum Yap

2022-06-20 15:08:20 Mary: Ak reňk talaplary bilen bagly saklanan ulaglar prezidentiň saparyndan soň tölegsiz boşadyldy

Türkmenistanyň prezidenti Serdar Berdimuhamedow 17-nji iýunda Mary welaýatyna sapar edip, galla oragynyň barşy bilen tanyşdy, sebitiň Gurbanguly hajy metjidinde berlen sadaka gatnaşdy.

Prezidentiň sebite amala aşyrýan sapary bilen baglylykda köçelerde polisiýa tarapyndan saklanan aň reňkden başga reňkdäki ulaglar, saparyň edil yz ýany, goşmaça tölegsiz boşadyldy.

“Birinji gezek bizden pul alman, goşmaça para soraman ulaglarymyzy yzyna gowşurdylar” diýip, sürüjiler özleriniň haýran galandyklaryny aýdýarlar. Aç / Yorum Yap

2022-06-20 15:07:41 Türkmen prezidentiniň Moskwa saparyndan soň goşa raýatlygy bar adamlara pasport berlip başlandy

Türkmenistanyň raýaty bolmak bilen wagtda Russiýanyň hem raýatlygyny alan türkmenistanlylar ençeme ýyl bäri türkmen daşary ýurt pasportyny almakda dürli kynçylyklar bilen ýüzbe-ýüz bolýarlar. Azatlyk Radiosynyň Aşgabatdaky habarçylary ýagdaýyň birden üýtgändigini we goşa raýatlykly adamlaryň indi daşary ýurt pasportlaryny alyp biljegini bilip galandygyny habar berýär. Bu mümkinçilik prezident Serdar Berdimuhamedowyň Moskwa eden resmi saparyndan soň döräpdir.

Azatlygyň Aşgabatdaky habarçysy goşa raýatlykly adamlar üçin biometrik pasportyny almak üçin ýüz tutmak mümkinçiliginiň dörändigini 20-nji iýunda habar berdi. Bu mümkinçilik 2003-nji ýyldan soň Russiýa Federasiýasynyň raýatlygyny alan we ýurtlaryň arasynda goşa raýatlyk baradaky şertnamanyň ýatyrylmagyndan soň 19 ýyllap türkmen pasportyny alyp bilmedik Türkmenistanyň raýatlaryna degişli. Aç / Yorum Yap

2022-06-17 15:58:44 Türkmen zyýaratçylary haja taýýarlanýar

Türkmenistanda haj zyýaratynyň töweregindäki para-peşgeş aladalarynyň arasynda türkmenistanly musulmanlar haja taýýarlyk görýär.

Azatlyk Radiosynyň habarçysy bu ýyl ýurt boýunça haj zyýaratyna ugradyljak adamlaryň anyk sanynyň heniz takyk däldigini, ýöne her welaýatdan 150 töweregi adamyň Saud Arabystanyna ugradylmagyna garaşylýandygyny habar berýär. Ýöne habarçymyz haja dalaşgärlerden “$3000 - $3500 aralygynda” töleg talap edilýändigini aýdýar.

Ikinji habarçymyz bilen gürrüňdeş bolan haj zyýaratyna dalaşgär bir türkmenistanly “şu ýyl haj zyýaratyna her welaýatdan sähelçe adamyň gitmegine rugsat berilýändigini”, ýöne zyýarata dalaşgärleriň sanawyna goşulmak üçin din resmileriniň, araçylaryň üsti bilen, özünden ilki “3 müň dollar, soňra 4-5 müň dollar möçberinde” “töleg” sorandygyny gürrüň berdi. Aç / Yorum Yap

2022-06-17 15:58:14 Marynyň häkimiýetleri ulaglary köçä goýbermän, penjireleri açdyrman, häzirki we öňki prezidentleriň saparyna garaşýar

Mary welaýatynda howpsuzlyk çäreleri güýçlendirilip, gözegçilikler berkedi.

Mary şäheriniň esasy köçeleriniň ugrunda we köp gatly ýaşaýyş jaýlarynyň girelgelerinde howpsuzlyk işgärleri ýerleşdirildi. Şeýle-de, iýunyň 16-dan 17-ne geçen gije giň gerimli arassaçylyk işleri geçirildi.

Bu başagaýlyklar, prezident Serdar Berdimuhamedowyň we onuň kakasy Gurbangulynyň sebite etmegine garaşylýan saparyna görülýän taýýarlyklar bilen baglanyşykly. Aç / Yorum Yap

2022-06-17 15:54:14 Aşgabadyň ýaşaýyş jaýlarynda bir günden gowrak wagtlap suw bolmady

Aşgabatda ýene-de ýaşaýyş jaýlarynda suw üpjünçiligi köpçülikleýin kesildi. Şäher merkezindäki köp adamly etraplaryň ýaşaýjylary, iki gün töweregi kwartiralar suw bilen yzygiderli üpjün edilmedi. Azatlyk Radiosynyň Aşgabatdaky habarçylary bu barada 16-njy iýundan bäri habar berýärler.

Paýtagtyň merkezindäki "Parahat" etrapçalarynda 15-nji iýundan 16-njy iýuna geçýän gije suw bolmady, soň irden 10-da iki sagada golaý wagtlap suw boldy we ýene kesildi. "Indi suw ýok. Düşnüksiz bir zat bolup geçýär. Zapaslar gutaryp barýar, çüýşelere gaplanan agyz suw bar, emma hojalyk zerurlyklary üçin suw ýok" - diýip, habarçymyz şol gün günortan habar berdi. Aç / Yorum Yap