Car Lifestyle Baku⚙️

2022-04-29 21:38:59 Wiesmann uzun bir fasilədən sonra Project Thunderball ilə geri döndü. Bu zamana qədər markanın BMW müərriki ilə çalışan modellərinə alışılmış olsa da, bu dəfə kapotun altında BMW əsaslı mühərrik yoxdur.

Project Thunderball, MF5 V10 Roadster’dən ilhamlanaraq öz xarakterini yaradıb. Qapaqlı kapotu ilə keçmişə salam göndərən bu canavar, retro interyer dizaynı ilə olduqca cazibədar görünür. İç məkanda sensorlu ekran və karbon fiber gövdəni əhatə edən oturacaqlar yer alıb.

Weismann, elektrik mühərrikindən 676 at gücü hasil edən Project Thunderball üçün kifayət qədər iddialıdır. Belə ki marka, avtomobilin ümumilikdə 1100 Nm fırlanma anına sahib olduğunu bildirir ki, bu da elektrikli rodsterin idarə olunması çətin olan bir gücə malik olduğunu göstərir. Çəkisi təxmini 1700 kiloqram olan avtomobilin 0-dan 100 km/saat sürətlənməsi üçün isə cəmi 2,9 saniyə kifayətdir.

Ətraflı: https://www.instagram.com/p/Cc8fia3rYiZ/?igshid=YmMyMTA2M2Y= Aç / Yorum Yap

2022-04-29 21:03:34 ______________________________________ Aç / Yorum Yap

2022-04-29 10:07:02 Çoxdan gözlənilən Toyota Supra rəsmi olaraq təqdim edilib! Mexaniki transmissiya seçimi ilə gələn və pərəstişkarlarını həyəcanlandıran avtomobilin çəkisi də təxminən 40 kiloqrama qədər azaldılıb.

Toyota bildirir ki, Supra’nın "Ağıllı mexaniki ötürücü"sü (iMT) performansa üstünlük verən proqram təminatını ehtiva edir. Bəs bu proqram necə işləyir? Vites qaldırarkən mufta pedalını basıb buraxdığınız zaman mühərrik fırlanma anı daha da optimallaşdırılır. Vitesi azaltdığınız zaman isə Supra daha ardıcıl performans təmin edir. Avtomobildə idman rejimini aktivləşdirərək iMT’ni söndürmək imkanı da var.
Avtomatik transmissiyalı Supra’nın son dişli nisbəti 3,15-dir, yeni mexaniki versiyada isə bu nisbət 3,46’ya qədər artırılıb. Bu da, təbii olaraq qalxış zamanı sürətlənməni daha yaxşı təmin edir.

2022 Supra üçün, Premium təchizatın bütün xüsusiyyətlərini özündə birləşdirən A91-MT versiyası da gəlir.

Ətraflı: https://www.instagram.com/p/Cc7QTTMs7rg/?igshid=YmMyMTA2M2Y= Aç / Yorum Yap

2022-04-28 22:08:46 Markanın ən analoq modellərindən biri olacaq yeni 911 Sport Classic, brendin tarixində ən güclü mexaniki transmissiyalı modeli olacaq. İddialara görə, Porsche mühəndisləri bu modeli öz aralarında “manual 911 Turbo S” adlandırıblar. Təbii ki, bu ad hər iki modelin 3,7 litrlik twin-turbo mühərrikdən istifadə etməsindən irəli gəlir. Lakin 911 Sport Classic bu mühərrikdən 550 at gücü hasil edir.
İki modelin oxşarlığı bununla məhdudlaşmır. Porsche, Turbo S’in heyrətamiz arxa hissəsini Sport Classic’ə yerləşdirməklə müasir və retro görünüş arasında tandem yaradıb. Avropalıların "ördək quyruğu spoyler" adlandırdıqları klassik Porsche dizaynı bu hissədə ən diqqət çəkən detaldır. 1970’ci illərin ən çox sevilən 911 Carrera RS’inə aid bu görünüş, dalğavari tavan dizaynı ilə dəstəklənib. Avtomobilin daxili və xarici hissəsindəki klassik Porsche loqolarını isə, əfsanəvi Fuchs təkər disklərinin müasir versiyaları müşayiət edir.

Ətraflı: https://www.instagram.com/p/Cc523R3rpso/?igshid=YmMyMTA2M2Y= Aç / Yorum Yap

2022-04-27 19:37:05 2013’cü ildə Nissan uzun fasilədən sonra Datsun markasını yenidən dirçəltmək qərarına gəldiyini açıqlamışdı. İndoneziya, Nepal, Cənubi Afrika, Hindistan və Rusiya kimi ölkələrdə giriş səviyyəli modellərlə fəaliyyətə başlayan Datsun, 2019’cu ildə bu ölkələrdən ikisində istehsalı dayandırmalı oldu. Datsun-un digər mühüm bazarlarından birində də istehsal dayandırılacaq.

Keçən həftə Nissan’ın Hindistan qanadı, Datsun’un bu ölkədə fəaliyyətini dayandıracağını açıqladı. Yapon istehsalçı, Datsun üçün ayırdığı resursları gələcəkdəki elektrikli avtomobil strategiyasına yönəltmək istəyir. Həmçinin qeyd edək ki, markanın satışlarda çox ciddi azalma baş verib. 2021’ci ildə cəmi 6400 avtomobil sata bilən Datsunun, 2016’cı ilə nisbətən satışlarında 90 faiz azalma müşahidə edilib.

Ətraflı: https://www.instagram.com/p/Cc0xaGjsQqY/?igshid=YmMyMTA2M2Y= Aç / Yorum Yap

2022-04-27 13:17:07 Aç / Yorum Yap

2022-04-21 08:34:01 Rolls-Royce, ötən il Boat Tail adlı fantastik qiymətə sahib modelini təqdim etmiş və çox qısa zamanda həmin unikal avtomobil yeni sahibinə qovuşmuşdu. Dünyanın ən bahalı avtomobili adını alan Boat Tail’i satın alanın kimliyi rəsmən açıqlanmasa da, bəzi mənbələr onun Jay-Z və Beyonce cütlüyü olduğunu bildirirdi. 28 milyon dollar dəyərində olan modeldən cəmi üç ədəd istehsal edəcəyini açıqlayan Rolls Royce, ikinci modeli satmağa hazırlaşır.

Xüsusi modelin ikinci nümunəsi 2022 Villa d'Este tədbirində yer alacaq. Dünyanın ən zəngin insanlarının toplaşdığı bu tədbir, 20-22 may tarixlərində İtaliya'da baş tutacaq. Aç / Yorum Yap

2022-04-20 20:43:17 Elektrikli avtomobil dünyasına sürətlə daxil olan Mercedes-Benz, EQS ilə "lyuks EV" seqmentində öz möhürünü vurmağı bacarmışdı. EVA2 platformasından yüksələn sedan modelinin yürdən hündür qardaşı isə çoxdandır gözlənilirdi.

Qardaşının aerodinamik quruluşunu qoruyan EQS SUV; EQS 450, EQS 450 4Matic və EQS 580 adlı üç fərqli avadanlıq paketi ilə satışa çıxarılacaq. Minimum 600 km məsafə qət edəcəyi açıqlanan SUV texnologiya baxımından da sedan qardaşının izini davam etdirir.

Mercedes-Benz EQS SUV, EQS 580 adlı avadanlıq paketində standart olaraq ikili mühərrik və AWD seçimi ilə gələcək. EQS 450 versiyaları üçün isə bu ikili opsiya siyahısından seçilə bilər. Giriş səviyyəli modellər mühərriklərin sayından asılı olmayaraq 360 at gücü və 481 Nm fırlanma anı hasil edəcək. EQS 580 isə ümumilikdə 540 at gücü və 860 Nm fırlanma anı hasil edir. Bu göstəricilərin hər ikisi də modeli EQS sedan’dan daha güclü edir.

Ətraflı: https://www.instagram.com/p/CclNs9eLfWi/?igshid=YmMyMTA2M2Y= Aç / Yorum Yap

2022-04-20 00:11:43 Aç / Yorum Yap

2022-04-18 07:25:21

https://www.instagram.com/reel/CcduSh6sbg9/?igshid=YmMyMTA2M2Y= Aç / Yorum Yap