Car Lifestyle Baku⚙️

2021-09-05 21:23:55 Bu dəfə rusiyalı istehsalçı mikroçip böhranın qarşısında gücsüz qalıb. Belə ki, AVTOVAZ artıq Largus və X-RAY istehsal edə bilmir.

Ən azı bir həftə daha bu problem səbəbindən istehsal baş tutmayacaq. Problemdən Largus və X-RAY modelləri ilə yanaşı eyni bazanı bölüşən Renault Logan və Sandero modelləri də təsirlənib.

Tolyatti zavodu, qonşu Samara şəhərində yerləşən Bosch fabrikindən təmin edilən mikroçip çatışmazlığı səbəbindən bağlanıb. Bu zavod, tədarük zənciri ilə Almaniya'daki bir şirkətə, bu şirkət isə Malaziyada ABS sensorlarının hazırlandığı fabriklərdən və bu sensorlar üçün Tayvan’da mikro çiplərin istehsal edildiyi fabriklərdən asılıdır. Beləliklə, tayvanlı mikro çiplərin olmaması, Rusiya'da dörd modelin istehsalını tamamilə iflic edib. Aç / Yorum Yap

2021-09-04 13:32:26 Təxminən 40 il əvvəl Mercedes-Benz, hava yastığını öz avtomobillərində tətbiq etməyə başladı. W126 nəsli S Seriya sedan ilə həyatımıza girən bu konsept, o dövrlərdə Mercedes üçün çox böyük anlam ifadə edirdi. Bu önəmli müvəffəqiyyəti qeyd etmək istəyən alman istehsalçı, olduqca qəribə və maraqlı bir layihəyə imza atıb.

Bu layihə üçün dizayner Heron Preston ilə əl sıxışan Mercedes, hava yastığından (təhlükəsizlik yastığı) hazırlanmış geyim kolleksiyasını təqdim edib. Hava yastıqlarına fərqli bir baxış bucağı gətirmək istəyən Preston, Mercedes'in də yardımı ilə bu kolleksiyanı hazırladı. İstifadə edilmiş hava yastıqlarından hazırlanan paltarlar, maraqlı rəng ahənginə sahibdir.

Ətraflı: https://www.instagram.com/p/CTXoiEGsgbQ/?utm_medium=copy_link Aç / Yorum Yap

2021-09-03 10:05:53 Yeni nəsil Lexus LX modelinin istehsalının təxirə salındığı bildirilir. İddiaya görə, Cənub-Şərqi Asiya’dan gəlməsi gözlənilən miktoçiplər heç cür markaya gedib çıxa bilmir. Creative Trend, bu çatdırılmanın vaxtında həyata keçirilmədiyini iddia edir.

Bəzi mənbələrdən gələn məlumata görə, bu vəziyyət artıq istehsala indidən təsirini göstərib. Qeyd edək ki, yeni nəsil LX modelinin əvvəlcə bu il təqdim ediləcəyi, 2022’ci ildə isə satışa çıxarılacağı planlaşdırılırdı. Bu hissələrin əskikliyinin yaradacağı gecikmənin təfərrüatları isə hələlik məlum deyil.
Xatırladaq ki, Toyota bir neçə həftə əvvəl ən böyük fabriklərində istehsalı dayandırmalı olmuşdu. Land Cruiser’in istehsal xəttində yaşanan bu böhranın LX’ə də təsir edəcəyi olduqca təbii görünür, çünki bu iki model bir-birinə çox bənzəyir. Başqa sözlə, birinin istehsalının təsirlənməsi, digərində də özünü göstərir.

Ətraflı: https://www.instagram.com/p/CTWaaX6MjL3/?utm_medium=copy_link Aç / Yorum Yap

2021-09-02 21:45:07 yükləmə linkinə buradan keçid edin https://www.mercedes-benz.com/en/vehicles/passenger-cars/design-sketches/ Aç / Yorum Yap

2021-09-02 11:06:40 Bu uzun addakı "E" hərfi AMG ailəsinin ilk hibrid modelini təmsil edir.

Bəs elektrikli AMG nə vəd edir? Əslində bu sualın cavabı olduqca sadədir: Güc! 4.0 litrlik biturbo V8 mühərriki 6.1 kVt / saatlıq batareya ilə birləşdirən istehsalçı, avtomobilin gücünü 842 at gücünə çatdırmağa nail olub. 1400 Nm fırlanma anı hasil edə bilən bu canavar artıq Mercedes-AMG’nin ən güclü modeli hesab edilir.
Affalterbach mühəndisləri Mercedes-AMG’nin İngiltərədəki Formula 1 komandasından da hər mövzuda kömək alıb. Avtomobildə diqqəti ən çox diqqəti cəlb edən detal ultra yüngül batareya paketidir. Özü ilə cəmi 89 kq’lıq əlavə ağırlıq gətirən bu dizayn tək başına 205 at gücü təmin edə bilir. Batareyanın qənaət etmək əvəzinə gücə yönəlməsi isə bu spesifik modelin yalnız elektriklə 12 km məsafə təmin etməsinə səbəb olub.

Ətraflı: https://www.instagram.com/p/CTT5x7LMfj6/?utm_medium=copy_link Aç / Yorum Yap

2021-09-02 09:26:28 Türkiyə'nin ən bahalı TOFAŞ’ı Bursa şəhərində satılıb. Sosial media fenomeni, həmçinin tır sürücüsü olan Tanju Akdoğan'ın tərəfindən il yarıma hazırlanan Doğan SLX markalı xüsusi avtomobil, Bursa'da yaşayan iş adamı Yusuf Yamanlar tərəfindən 180 min lirəyə satın alınaraq tarixə keçib. 560 at gücünə çata bilən avtomobilin iç dizaynı və orijinal eksteryeri diqqətləri üzərinə çəkir.

Qeyd edək ki, Türkiyə'nin ən çox üstünlük verilən avtomobillərindın biri olan TOFAŞ'ın Doğan SLX markalı modeli, bir vaxtlar Türkiyə'dəki avtomobil bazarına öz möhürünü vurub.

1993’cü il istehsalı olan avtomobil gün işığının verdiyi zərərlərdən dolayı yenidən rənglənsə də, interyerində kiçik bir çat belə yoxdur. 4.0 litrlik turbo mühərrikli avtomobil BMW m3 transmissiyası ilə təchiz edilib. Sükanı, eləcə də isitməli və elektrikli tənzimlənən oturacaqları Mercedes’dən alınan unikal Tofaş’ın tavanı və qapı döşəmələri isə BMW F30’a aiddir. Aç / Yorum Yap

2021-08-20 10:45:47 Standart olaraq AWD sürüşü ilə gələn avtomobil yerdən yüksək quruluşu ilə, krossoverlərdən bezmiş istifadəçilərə xitab edəcək.

Model, standart C-Class Estate modelindən 40 millimetr daha yüksəkdir. Ön asqı sistemində dəyişiklik edən Mercedes bu sistemi əvvəlkindən daha güclü edib. Offroad rejimində yolsuzluq yönümlü olan avtomobil, Offroad+ rejimində isə avtomatik olaraq yoxuş idarəetmə sistemini işə salır. Beləliklə, yüksək yamaclardan enərkən yaşaya biləcəyiniz problemlər minimuma enir.

Avtomobili ilə yolsuzluq şəraitində kəşfə getmək istəyənlər üçün Mercedes, üç ədəd güclü LED’dən ibarət olan Digital Light System adlı texnologiyasını seçimlər siyahısına əlavə edəcək. İstifadəçi hər hansı bir offroad rejimini qoşduqda bu sistem avtomatik olaraq aktivləşəcək və yalnız 50 km/saat sürətə qədər işləyəcək.

Ətraflı: https://www.instagram.com/p/CSyXw2ws7Iu/?utm_medium=copy_link Aç / Yorum Yap

2021-08-19 10:49:54 Əslində, model bu günlərdə keçirilməsi gözlənilən, lakin COVID-19 səbəbilə ləğv edilən New York Auto Show’da təqdim ediləcəkdi. Bu "pis xəbərə" fikir verməyən Nissan, modeli vəd etdiyi kimi Auto Show’nun başlamalı olduğu tarixidə təqdim etdi.

Yapon istehsalçı, ilk gündən, modelin iki fərqli avadanlıq paketi ilə gələcəyini də elan edib. Sport və Performans adlanan bu paketlərə əlavə olaraq, məhdud sayda satılacaq olan və dizaynını prototip modelindən alan Proto adlı xüsusi bir versiya da satışa çıxarılacaq.

Əsas versiya olan Sport, 18 düymlük təkərlərlə təchiz edilib. Performans versiyasında isə, Z Proto'da da olan 19 düymlük təkərlər yer alıb. Nissan ilk gündən etibarən hər iki modeli 9 fərqli rəng seçimi ilə təqdim edəcək.

Ətraflı: https://www.instagram.com/p/CSv1U0NM8sv/?utm_medium=copy_link Aç / Yorum Yap

2021-08-18 22:42:17 Təchizat problemi, avtomobil markaların işini çətinləşdirməyə davam edir. Bu dəfə MercedesBenz, AMG GT R modelini ləğv edəcək kimi görünür. Lakin, bsw1234 adlı Reddit istifadəçisinə görə, bu siyahı daha uzun olacaq.

Onun yazdığına görə, AMG seriyası da daxil olmaqla V8 mühərrikli bütün 2022 Mercedes modellərinin heç biri ABŞ’da satılmayacaq. Qlobal təchizat zəncirindəki problemlərdən qaynaqlanan məsələ bununla məhdudlaşmır. Sözügedən modellər arasında AMG və G seriyasından olan 9 modelə də var. Məxfilik səbəbindən üzə çıxarılmayan sənəddə bu vəziyyətdən yalnız S580 və S580 Maybach’ın təsirlənmədiyi bildirilir.
Mövzuyla əlaqədar sənəddəki bir mətndə bunlar yazılıb:
"MBAG, tədarük zəncirindəki çətinliklər səbəbiylə ABŞ bazarında məhsul çeşidində dəyişiklik edib. Bununla birlikdə, müxtəlif qlobal, daxili və xarici tələblərə və bir çox digər amillərə riayət edilməsi prioritet hesab edilib."
Qeyd edək ki, iddia edilən vəziyyət sadəcə bir şaiyədir. MercedesBenz’dən rəsmi bir açıqlama gələnə qədər də elə qalacaq. Aç / Yorum Yap

2021-08-17 23:01:13 Bir neçə dəfə markaların maraqlı ortaqlıqları barədə paylaşımlarımız olub. Demək olar ki, platforma qardaşlığı mövzusuna da çoxumuz bələdik. Volkswagen Polo, SEAT Ibiza, Audi A1 və yeni təqdim olunan Skoda Fabia, Peugeot 208-Opel Corsa, Renault Captur-Nissan Juke kimi ortaqlıqlar normaldır, çünki burada eyni seqmentdə yer alan iki avtomobildən danışırıq.
Lakin, bu gün nəzərdən keçirəcəyimiz 10 cüt avtomobildə, cütlüklər eyni markanın damı altında olsa belə, bir-birindən çox fərqli kateqoriyalardadır. Belə ki, bir tərəfdə idman sedanı dursa da, qarşısında kompakt SUV görə bilərik. Başqa bir nümunə, kiçik bir B hatch’ə aid platforma eyni zamanda bir mikroavtobusun da infrastrukturunu təşkil edir.
Əlbəttə ki, bunda markaların xərcləri azaltmaq üçün bir-biri ilə əməkdaşlıq etməsinin payı böyükdür. Yəni, eyni platformadan nə qədər çox fərqli avtomobil istehsal edə bilsəniz, mənfəət marjınız da o qədər yüksək olar.

Ətraflı: https://www.instagram.com/p/CSr4yD5MBSt/?utm_medium=copy_link Aç / Yorum Yap